«1993 jyldyń 5 qarashasynda elimizdiń Tuńǵysh Prezidenti Nursultan Nazarbaevtyń «Bolashaq» stipendiiasyn taǵaiyndaý týraly Jarlyǵy shyqty. Elbasynyń teńdessiz sheshiminiń arqasynda myńdaǵan qazaqstandyq álemniń úzdik joǵary oqý oryndarynda bilim alýǵa qol jetkizdi. Búginde bolashaqtyqtar ekonomikanyń túrli salasynda tabysty jumys istep qana qoimai, startaptardy iske qosýda, bilim berý, densaýlyq saqtaý jáne ǵylym salasynda júzdegen ǵylymi ázirlemeler men jobalardy iske asyrýda» delingen beinerolik sipattamasynda.
2001 jyly alǵashqy túlekter eldegi eń tabysty úkimettik emes uiymdardyń birine ainalǵan «Bolashaq» qaýymdastyǵyn qurdy.
Sondai-aq, 2011 jyly bolashaqtyqtar daryndy balalardy qoldaýǵa baǵyttalǵan áleýmettik jáne qaiyrymdylyq jobalardy júzege asyrý úshin «Bolashaq» qoryn qurdy.
Máselen, 10 jyl ishinde balalarǵa arnalǵan 37 film álemdik standarttarǵa sai aǵylshyn tilinen qazaq tiline dýbliajdaldy. «Bolashaq» qory jumysynyń negizgi baǵyttarynyń biri – inkliýzivti bilim berýdi damytý jobasy.
«Ár bala mektepke barýǵa laiyqty» bolashaqtyqtardyń jobasy aiasynda erekshe bilim alýǵa qajettiligi bar 2 myń balanyń ómiri ózgerip, aldynan jańa múmkindikter ashyldy. Olardyń kópshiligi sóileýdi úirenip, óz betinshe oqýǵa kóshti, túrli jarystar men olimpiadalardyń júldegerleri atandy. Jalpy, elimizdiń barlyq óńirinde 59 mamandandyrylǵan ońaltý mekemesi, onyń ishinde 43 inkliýziiany qoldaý kabineti ashyldy», – delingen beinerolikte.
Partiianyń baspasóz qyzmeti atap ótkendei, «Bolashaq» – Qazaqstannyń halyqaralyq brendine ainalǵan Elbasynyń kóptegen tabysty jobalarynyń biri.
