Asqar Omarov forýmǵa qatysýshylardy úkimettik emes sektormen birlesip, Ministrliktiń otbasy institýtyn qoldaý boiynsha júrgizip jatqan jumysy, sondai-aq granttyq jobalardy jáne turmystyq zorlyq-zombylyqtyń aldyn alý sharalaryn iske asyrý týraly habardar etti.
Qazirgi ýaqytta 31 óńirlik otbasyn qoldaý ortalyǵy jumys isteidi, olar ómirlik qiyn jaǵdaiǵa tap bolǵan otbasylarǵa mańyzdy áleýmettik jáne quqyqtyq kómek kórsetedi.
Qazaqstanda 2013 jyldan bastap Elbasy Nursultan Nazarbaevtyń bastamasy boiynsha jyl saiyn Otbasy kúni atap ótiledi jáne jyl saiyn «Mereili otbasy» ulttyq konkýrsy ótkiziledi, oǵan aǵymdaǵy 8 jyl ishinde Qazaqstannyń barlyq óńirlerinen 18 myńnan astam otbasy qatysty.
Sonymen qatar, vitse-ministr otbasylarǵa qoldaý kórsetý, otbasylyq janjaldardy sheshý jáne balalary bar áielderdi ýaqytsha turǵyn-jaimen qamtamasyz etý boiynsha 234 ortalyq qurý josparlanǵanyn atap ótti. Esterińizge sala keteiik, «Nur Otan» partiiasynyń 2025 jylǵa deiingi «Ózgerister joly: Ár azamatqa laiyqty ómir!» baǵdarlamasy sheńberinde iske asyrylatyn bolady.
«Erlerdiń róli, olardyń otbasylyq ómirge qatysýy jáne Qazaqstandaǵy balalardy tárbieleý» atty keshendi ulttyq áleýmettik zertteý nátijeleriniń tusaýkeseri forým baǵdarlamasynyń mańyzdy bóligine ainaldy.
Sonymen qatar, «BAQ pen blogerlerdiń Qazaqstandaǵy Otbasy institýtyn qalyptastyrýǵa áseri», «Otbasy jáne din», «Mektepter janyndaǵy ákeler keńesin damytý», «Erekshe balalardyń erekshe ákeleri», «Otbasylyq tárbiede ákeniń rólin arttyrý», «Balalardyń sporttyq tárbiesi», «Bala tárbiesindegi kitaptardyń róli» atty paneldik sessiialar ótti.
Forým jumysyna QR Prezidenti janyndaǵy Áielder isteri jáne otbasylyq-demografiialyq saiasat jónindegi Ulttyq komissiia tóraǵasynyń orynbasary, Parlament Senatynyń depýtaty Lázzat Súleimen, Májilis depýtaty Baqytbek Smaǵul, Shymkent qalasy ákiminiń birinshi orynbasary Shyńǵys Muqan, BUU-nyń Qazaqstandaǵy halyq qonystanýy salasyndaǵy qorynyń atqarýshy ókili Raiymbek Sisemaliev, sondai-aq memlekettik organdardyń, ÚEU jáne BAQ ókilderi qatysty.
Forýmdy QR Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń, BUU-nyń Qazaqstandaǵy halyq qonystanýy salasyndaǵy qorynyń, Shymkent qalasy ákimdiginiń jáne QR AQDM qoldaýymen «Ákeler Odaǵy» RQB uiymdastyrdy.
