اسقار وماروۆ فورۋمعا قاتىسۋشىلاردى ۇكىمەتتىك ەمەس سەكتورمەن بىرلەسىپ، مينيسترلىكتىڭ وتباسى ينستيتۋتىن قولداۋ بويىنشا جۇرگىزىپ جاتقان جۇمىسى، سونداي-اق گرانتتىق جوبالاردى جانە تۇرمىستىق زورلىق-زومبىلىقتىڭ الدىن الۋ شارالارىن ىسكە اسىرۋ تۋرالى حاباردار ەتتى.
قازىرگى ۋاقىتتا 31 وڭىرلىك وتباسىن قولداۋ ورتالىعى جۇمىس ىستەيدى، ولار ومىرلىك قيىن جاعدايعا تاپ بولعان وتباسىلارعا ماڭىزدى الەۋمەتتىك جانە قۇقىقتىق كومەك كورسەتەدى.
قازاقستاندا 2013 جىلدان باستاپ ەلباسى نۇرسۇلتان نازاربايەۆتىڭ باستاماسى بويىنشا جىل سايىن وتباسى كۇنى اتاپ وتىلەدى جانە جىل سايىن «مەرەيلى وتباسى» ۇلتتىق كونكۋرسى وتكىزىلەدى، وعان اعىمداعى 8 جىل ىشىندە قازاقستاننىڭ بارلىق وڭىرلەرىنەن 18 مىڭنان استام وتباسى قاتىستى.
سونىمەن قاتار، ۆيسە-مينيستر وتباسىلارعا قولداۋ كورسەتۋ، وتباسىلىق جانجالداردى شەشۋ جانە بالالارى بار ايەلدەردى ۋاقىتشا تۇرعىن-جايمەن قامتاماسىز ەتۋ بويىنشا 234 ورتالىق قۇرۋ جوسپارلانعانىن اتاپ ءوتتى. ەستەرىڭىزگە سالا كەتەيىك، «Nur Otan» پارتياسىنىڭ 2025 جىلعا دەيىنگى «وزگەرىستەر جولى: ءار ازاماتقا لايىقتى ءومىر!» باعدارلاماسى شەڭبەرىندە ىسكە اسىرىلاتىن بولادى.
«ەرلەردىڭ ءرولى، ولاردىڭ وتباسىلىق ومىرگە قاتىسۋى جانە قازاقستانداعى بالالاردى تاربيەلەۋ» اتتى كەشەندى ۇلتتىق الەۋمەتتىك زەرتتەۋ ناتيجەلەرىنىڭ تۇساۋكەسەرى فورۋم باعدارلاماسىنىڭ ماڭىزدى بولىگىنە اينالدى.
سونىمەن قاتار، «ب ا ق پەن بلوگەرلەردىڭ قازاقستانداعى وتباسى ينستيتۋتىن قالىپتاستىرۋعا اسەرى»، «وتباسى جانە ءدىن»، «مەكتەپتەر جانىنداعى اكەلەر كەڭەسىن دامىتۋ»، «ەرەكشە بالالاردىڭ ەرەكشە اكەلەرى»، «وتباسىلىق تاربيەدە اكەنىڭ ءرولىن ارتتىرۋ»، «بالالاردىڭ سپورتتىق تاربيەسى»، «بالا تاربيەسىندەگى كىتاپتاردىڭ ءرولى» اتتى پانەلدىك سەسسيالار ءوتتى.
فورۋم جۇمىسىنا ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا ءتوراعاسىنىڭ ورىنباسارى، پارلامەنت سەناتىنىڭ دەپۋتاتى ءلاززات سۇلەيمەن، ءماجىلىس دەپۋتاتى باقىتبەك سماعۇل، شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان، بۇۇ-نىڭ قازاقستانداعى حالىق قونىستانۋى سالاسىنداعى قورىنىڭ اتقارۋشى وكىلى رايىمبەك سيسەمالييەۆ، سونداي-اق مەملەكەتتىك ورگانداردىڭ، ۇەۇ جانە ب ا ق وكىلدەرى قاتىستى.
فورۋمدى ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ، بۇۇ-نىڭ قازاقستانداعى حالىق قونىستانۋى سالاسىنداعى قورىنىڭ، شىمكەنت قالاسى اكىمدىگىنىڭ جانە ق ر اقدم قولداۋىمەن «اكەلەر وداعى» رقب ۇيىمداستىردى.
