Jańasha oqytý
Zaman talabyna sai bilim berý oqýshylardyń adamgershilik, intellektýaldyq damýynyń joǵary deńgeii men bilimin qamtamasyz etýge baǵyttalǵan oqytýdyń úzdiksiz úrdisi desek, onyń tiimdiligi men sapasyn arttyrý muǵalimnen oqý protsesiniń ǵylymi teoriiaǵa negizdelgen jáne oqýshynyń qabileti men beiimine negizdelgen oqytýdyń tańdamaly ádisterine kóshýdi talap etedi. Ondaǵy negizgi maqsat oqýshyǵa sapaly bilim berý bolyp tabylady. Búgingi tańda jas urpaqqa kez kelgen pándi uǵyndyrýdyń tiimdi joly – jańa tehnologiia negizderi bolyp tabylady.
Oqytýda jańa tehnologiialardy paidalaný muǵalim úshin qandai mańyzdy bolsa, oqýshy úshin odan da mańyzdy. Jańa tehnologiialar oqýshylardyń bilim sapasyn arttyrýǵa, ózdiginen jumys isteý múmkindigin molaitýǵa kóp kómegin tigizedi.
Búgingi oqytý júiesinde ártúrli jańa tehnologiialardy paidalaný tájiribege enip, nátijeler berýde. Árbir sabaqta oqytýdyń tiimdi ádis – tásilderin engizip júrse, bilim sapasyna eleýli áser etedi. Kez kelgen sabaqty qyzyqty ótkizý úshin árbir ustaz jańalyqqa umtylyp, izdenis ústinde bolǵany abzal.
Sabaq barysynda bir ǵana tásilmen shektelmei, óz sabaqtarymda qazirgi tańdaǵy innovatsiialyq tehnologiialardy oqýshylardyń jas erekshelikterine bailanysty tańdap qoldanamyn. Atap aitsaq, modýldik tehnologiia, syn turǵysynan oilaý, tirek-syzba, damyta oqytý, deńgeilep-saralap oqytý bolyp tabylady. Men úshin árbir sabaqqa jańalyqtardy, ozyq tájiribelerdi paidalaný úlken jetistikterge jeteleidi. Ózimniń árbir sabaǵymda ozyq tehnologiialardy paidalaný jaqsy nátijeler bergenin kórýdemin. Kez kelgen sabaǵymda taqyryp boiynsha jańalyqtarmen tanystyrý arqyly bastaý dástúrge ainaldy. Qyzyǵýshylyqty arttyrý arqyly sabaqty bastaý sol sabaqtyń aiaǵyna deiin qyzyq ótýine sebep. Ár túrli ádisterdi sabaǵymda qoldanyp tiimdi – tiimsiz jaqtaryn zerttep, izdenip júrmin.
Sh.R. Shamarhanova, ShQO. Tarbaǵatai aýdany, Aqjar aýyly, M.Áýezov atyndaǵy orta mektebi, bastaýysh synyp muǵalimi.
