Daý zańmen sheshilý kerek
Jahandyq básekege qabilettilik týraly esep Dúniejúzilik ekonomikalyq forýmnyń jyl saiynǵy baiandamasy bolyp tabylady. Básekege qabilettilik indeksi memleketterdiń óz halqyna qolaily jaǵdai jasaý jolyndaǵy joǵary qyzmetin baǵalaidy. Ádilet ministrligi DEF JBQI-diń 7 indikatory boiynsha oryndaýshy bolyp tabylady. Onyń ishinde 4 indikator boiynsha QR ÁM jaýapty oryndaýshy jáne 3 indikator boiynsha birlesip oryndaýshy.
Atalǵan reitingpen baǵalanatyn aýmaqtyq bólimshelerdiń qyzmetine mynalar jatady: zańdy tulǵalardy memlekettik tirkeý, jyljymaityn múlikke quqyqtardy memlekettik tirkeý, avtorlyq quqyqtardy memlekettik tirkeý. Qazirgi tańda zańdy jáne jeke tulǵalarǵa ádilet organdarynyń tarapynan memlekettik qyzmet kórsetý negizinde aýmaqtyq bólimshelermen júzege asyrylady.
Jalpy ádilet organdarymen iske asyrylatyn is-sharalar, zańdy jáne jeke tulǵalarmen kezdesýler jáne ádilet organdarynyń qyzmeti týraly maqalalar, azamattar men biznes sýbektileriniń quqyqtyq saýatyn joǵarylatyp, ádilet organdarynyń qyzmeti týraly týyndaityn suraqtaryna jaýap tabýyna múmkindik beredi.
Kásipkerlik qyzmetti júzege asyrý barysynda jeke kásipkerlik sýbektileri memlekettik tirkeý organymen tikelei bailanysty qarym-qatynasqa túsedi, atap aitqanda, quryltaishyny ózgertý, jarǵylyq qordyń mólsherin azaitý, ataýyn ózgertý, habarlama jáne de quryltai qujattaryna ózgerister men tolyqtyrýlar engizý. Tirkeý organyna júgingen kásipkerlik sýbektileri kei jaǵdailarda zań talaptaryn saqtamaǵany sebepti memlekettik organmen bas tartý nemese merzimin toqtata turý týraly buiryq shyǵarylady, bul óz kezeginde taraptardyń arasynda belgili bir daý týyndatýy múmkin.
Qazaqstan Respýblikasynda azamattar jáne uiymdar , ekinshi jaǵynan memlekettik organdar men laýazymdy tulǵalar arasyndaǵy daýlar QR Azamattyq is júrgizý Kodeksiniń 29 taraýy «Memlekettik biliktiń, jergilikti ózin-ózi basqarý organdarynyń, qoǵamdyq birlestikterdiń, uiymdardyń, laýazymdy adamdar men memlekettik qyzmetshilerdiń sheshimderi men áreketterine (áreketsizdigine) daý aitý týraly ister boiynsha is júrgizý» arqyly retteledi.
Qoryta kelgende, eki taraptyń da qoldanystaǵy zań talaptaryn qatań saqtaǵany jaǵdaiynda memlekettik organ men kásipkerlik sýbektileri arasynda kelispeýshilikterdiń oryn almaitynyn eskerýimiz qajet.
A.Sh.Mahambetov, Alataý aýdany Ádilet basqarmasynyń basshysy
