Mundaǵy maqsat – birlese otyryp, bank qyzmeti salasy boiynsha bilikti mamandardy tájiribe arqyly daiarlaý. Sonymen qatar, aldaǵy ýaqytta olardy Bankke jumysqa ornalastyryp, salany kásibi kadrlarmen qamtamasyz etý oida bar.
«Otbasy banktiń» didjital dúniege basqan qadamy kóbeiip, klientterin kún ótken saiyn qýantyp keledi.
Búgingi stýdent – erteńgi maman
Aldymen, «Otbasy bank» pen «Q.I.Sátbaev atyndaǵy Ulttyq ǵylymi-zertteý ýniversiteti» arasyndaǵy kelisimnen bastaiyq. Ýniversitette oqyp jatqan stýdent, magistrant, doktoranttardyń kýrstyq jáne diplomdyq jumystary men ǵylymi zertteýleriniń taqyryptaryn bekitken kezde ol protseske bank múmkindigi men qajetine qarai qatysady.
Ári bilim ordasy ótkizetin bos jumys oryndary jármeńkesine, seminarlar, dóńgelek ústelder men konferentsiialardy uiymdastyrýǵa Bank at salysady. Sonymen qatar, stýdentterdi oqý tájiribesinen ótkizýge de Bank barynsha septesedi.
Eki aradaǵy kelisimniń kelesi bir baǵyty – Ǵylymi zertteý jobalaryna tálimgerlikti damytyp, elimizdiń áleýmettik-ekonomikalyq damýy úshin ǵylym men innovatsiialyq óndiristiń integratsiiasyna járdemdesý. Al bank qyzmetkerlerine bakalavriat, magistratýra, MBA, EMBA, doktorantýra baǵdarlamalary boiynsha oqý, biligin arttyrýǵa múmkindik beriledi.
Aitqandai, Bank stýdentter men túlekterdiń oqý tájiribesinen iaki taǵylymdamadan ótýine járdemdesedi. Ýniversitettiń stýdenteri, magistranttar, doktoranttar men jas ǵalymdarynyń bastamasy boiynsha júrgiziletin zertteý jumystaryna ǵylymi jetekshi hám keńesshi retinde jol kórsetedi.
Birlese otyryp is-sharalar ótkizý arqyly Ýniversitet pen Bank arasyndaǵy bailanysty nyǵaitý kózdelip otyr.
Ári Banktiń Top-menedjerleri sheberlik saǵatyn, treningter ótkizip, Ýniversitet stýdentterimen kezdesý uiymdastyrady degen jospar bar. Tiisti teoriialyq bazasy bar bilikti mamandardy (bakalavriattyń joǵary kýrs stýdentterin, magistranttardy jáne doktoranttardy) daiyndaý úshin, onyń ishinde Banktiń oqý tájiribesine (óndiristik tájiribesine) qoiylatyn talaptaryna sáikes jaǵdai jasalýy basty sharttardyń ishinde.
Odan bólek, stýdentterdiń teoriia túrinde alǵan bilimin is júzinde qoldanýǵa degen qyzyǵýshylyǵyn arttyrý kerek.
Osylai birlesken jumys nátijesinde Bank pen Ýniversitet stýdentteriniń oqý tájiribesi (óndiristik tájiribe) máseleleri boiynsha ózara is-qimyldar ádemi úilesim tabatyn bolsa kerek.
Qundy tájiribe bergen taǵylymdama
Qazirgi tańda ýniversitet stýdentteri Tsifrlyq transformatsiia departamentinde UI/UX dizainer, .NET baǵdarlamalaýshy, júielerdi testileýshi sekildi baǵyttar boiynsha óndiristik tájiribeden ótip jatyr. Jas mamandarǵa dizain syzý, Bank klientteriniń onlain operatsiialaryn baǵdarlamalaý men testileý boiynsha naqty tapsyrmalar berilgen. Árine, banktiń tájiribeli mamandary jetekshilik etip, jol kórsetedi. Taǵylymdamada stýdentter bolashaq IT-mamannyń boiynan tabylýy kerek kásibi bilik pen qasietterdi qalyptastyrý úshin bilimi men mashyǵyn ushtaidy.
Máselen, Computer Science fakýltetiniń 3-kýrs stýdenti Álihan Sábitov Tsifrlyq transformatsiia departamentinde .net baǵdarlamalaýshy bolyp tájiribeden ótip jatyr.
«Otbasy bankindegi taǵylymdama týraly áserimdi aitqym kelip otyr. Men banktiń .NET jáne .NET Core platformalarynda bank júielerin baǵdarlamalaýshy bolyp taǵaiyndaldym. Kelgen sátten bastap meni qushaq jaia qarsy aldy. Komanda kásibi biligi mol, óte tatý eken. Mentorlarym men áriptesterim únemi qol ushyn sozýǵa daiyn turatyn. Bank isi men baǵdarlamalaý salasynyń naǵyz bilgirleri bolǵandyqtan, olardan úirengenim kóp boldy. Ásirese, qatty unaǵany – banktiń túrli júielerinde jumys istep kórý. .NET jáne .NET Core platformalaryna negizdelgen júielerdi baǵdarlamalaý, qoldaý jumystary boiynsha qundy tájiribe aldym. Kreativ pen saraptamalyq mashyqty talap etetin kádimgi tapsyrmalar berildi. Barlyǵyn sondai yjdaǵatpen oryndadym.
Bank mamandary maǵan jan-jaqty qoldaý bildirip, bastan-aiaq kómektesti. Keri bailanys júiesi jaqsy oilastyrylǵan eken.
Áldebir kómek kerek bolsa, qysylmai surap, dereý jaýap alyp otyrdym. Ideialarym men usynystarymdy da aiaq-asty qaldyrmaityn. Sol arqyly ózimniń ájeptáýir úles qosyp jatqanymdy sezetinmin. Odan bólek, Otbasy banktiń zamanaýi tehnologiialardy qoldaný jáne innovatsiialardy engizýdi basty nazarda ustaitynyn estip, qýanyp qaldym. Tájiribe kezinde jumysym .NET jáne .NET Core platformalarymen jumystyń artyqshylyǵyn baiqaýǵa kómektesti. Banktiń tehnologiialyq damý jolynda aldyńǵy qatarda bolǵysy keletinine kóz jetkizdim.
Jalpy alǵanda Otbasy banktegi oqý tájiribem kóńilimnen tolyqtai shyqty.
Bul – sózsiz, qundy tájiribe. Baǵdarlamalyq, analitikalyq qabiletterimdi arttyrdym, komandanyń múshesi ekenimdi sezindim. Otbasy bankke osynaý múmkindik bergenine rizamyn. Kásibi ósý, damýǵa arnalǵan birden-bir jer dep osy kompaniiany usynar edim» deidi Álihan áserin bólisip.
Onlain-operatsiianyń ońtaily tusy
IT-sektor jumysynyń qorytyndysyna qarasaq, «Otbasy bank» biraz protsesti avtomattandyrǵanyn baiqaýǵa bolady. Aitalyq, qazir barlyq operatsiianyń 83,2 paiyzyn klientter qashyqtan isteidi eken. Ári mundaǵy qashyqtaǵy arnalar úlesi jyl ótken saiyn artyp keledi. Búgingi tańda bank operatsiialarynyń 76,6 paiyzy internet-banking pen video-bankingke tiesili. Kelesi 6,6 paiyzy – agent jelisinde. Bul – 2023 jyldyń alǵashqy jarty jyldyǵyndaǵy ǵana derekter. Byltyr qashyqtaǵy arnalar úlesi 81,9 paiyz bolǵan edi. Al 2021 jyldyń qorytyndysynda bul kórsetkish 67,1 paiyzǵa teń bolǵan. Biylǵy alty aidyń ózinde «Otbasy bank» klientteri bólimshege kelmesten, 1 millionnan astam operatsiia jasaǵan. Olardyń bári internet-banking, video-banking nemese agent jelisiniń qyzmetine júgingen. Bank klientteri arasynda tanymaldyq boiynsha birinshi orynda «Otbasy bank» mobildi qosymshasy tur. Biyl klientterge qolaily bolýy úshin qoldanba fýnktsionaly jańa ári paidaly optsiialarmen tolyqtyrylǵan eken.
«Diplommen – aýylǵa» dúrkirei túspek
Sonymen qatar, biyl «Otbasy bank» «Diplommen – aýylǵa» jobasyn didjital formatqa aýystyrdy. 2023 jyldyń 1 sáýirinen bastap, «Otbasy bank» atalǵan jobanyń senimdi agenti bolyp bekitilgen edi. Joba aiasynda úi alýǵa nemese salýǵa nesie berý, kóterme járdemaqy tóleý qarastyrylǵan.
Endi azamattardyń ýaqytyn únemdep, memlekettik qoldaýdy alý merzimin jedeldetý úshin «Diplommen – aýylǵa» jobasy tsifrlyq formatqa aýystyryldy. Qazaqstandyqtardyń jańa ótinimderi otbasybank.kz jyljymaityn múlik portalynda onlain túrde qabyldanady.
Adamdardyń bólimshege baryp júrmei-aq qyzmetterdi alýyna Otbasy banktiń memlekettik málimetter bazasymen integratsiialanýy men Vlockchain tehnologiiasyn qoldanýy sep boldy. «Diplommen – aýylǵa» jobasyna qatysý úshin otbasybank.kz portalyna tirkelip, ótinimge ETsQ arqyly qol qoiý qajet. Bul baǵdarlamaǵa kez kelgen jastaǵy qazaqstandyq qatysa alady. Aýylǵa endi kóship kelgen ne burynnan beri turatyn, sol jaqta birqatar mamandyq boiynsha jumys istep jatqan bolýǵa tiis. Atap aitqanda, densaýlyq saqtaý, bilim, áleýmettik qamsyzdandyrý, mádeniet, sport, agroónerkásip kesheni mamandary, aýyldyq okrýgter ákimshilikterinde isteitin memlekettik qyzmetshiler (ákimder men ákim orynbasarlaryn qospaǵanda) qatysa alady.
