Shara barysynda óńirimizdiń sharýalary, kásipkerler aýyl sharýashylyǵy ónimderinen kórme qoidy. Munda túieniń keptirilgen sútinen bastap, maldyń jem-shóbi, mineraldy, organikalyq tyńaitqyshtarǵa deiin bar.
Kórmeni tamashalaǵan oblys ákimi Marat Sultanǵaziev kópshilik aldynda sóz alyp, óńirde aýyl sharýashylyǵyn damytý úshin qolǵa alynǵan sharalar jaily aitty. Eń aldymen ol jurtshylyqty Qurban ait merekesimen quttyqtady.
«Aýyl Amanaty» memlekettik baǵdarlamasy aiasynda aýyl halqynyń tabysyn arttyrý maqsatynda oblys boiynsha 8,3 mlrd. teńge bólindi. Osy qarajatty tiimdi paidalaný úshin ár óńirdiń ereksheligine sáikes aýyl sharýashylyǵy salasyn damytýymyz qajet. Endigi jyly bul baǵdarlamaǵa 14 mlrd teńge qarjy bólinedi dep josparlanyp otyr. Oblys boiynsha tórt túlik maldyń 65%-y 133 jailaýda jaiylady. Jaiylymdar týraly zańǵa sáikes, 2023-2024 jyldarǵa arnalǵan jaiylymdardy basqarý jáne olardy paidalaný jospary boiynsha ár aýdan ákimdigi jumys jasap jatyr”, – dedi Marat Sultanǵaziev.
Sondai-aq forýmda agrarlyq salada birneshe jyl eńbek etken birqatar mamanǵa “Qurmetti azamat” ataǵy jáne “Alǵys hattar” tabys etildi.
Jailaýda ulttyq oiyn túrlerinen jarys ta uiymdastyryldy.
Almaty oblysy Baspasóz qyzmeti.
