Biyl 4 qazanda Aqtóbede Túrkitildes jýrnalister qory men «HALYK BANK» birge uiymdastyrǵan «Iskerlik jýrnalistika: qarjylyq saýattylyq» atty seminar-trening ótti.
«Túrkitildes jýrnalister qory» elimizdiń media salasynyń mamandaryna udaiy seminar-treningter uiymdastyryp keledi. Qor óz jumysyn 2014 jyly bastaǵan bolaty. Búginde qor basshysy Náziia Joiamergenqyzynyń bastamasymen baspasóz qyzmetkerleriniń biliktiligin arttyryp, qazaq jýrnalisteriniń qalamyn qýatty qylýda atqarylǵan sharýa az emes.
Biyl qoǵamdyq qor 11 qarashada 10 jyldyǵyn atap ótpek. Qordyń janynan Qazaqstandaǵy Áiel jýrnalister klýby, Jas jýrnalister mektebi, Media trenerler mektebi jumys isteidi. Qordyń maqsaty — qazaq tilinde habar taratatyn BAQ ókilderiniń kásibi biligin arttyryp, sheberligin shyńdaý. Sonymen qatar qor jýrnalistterdi shetelderge, atap ótsek Túrkiia, Eýropa elderine tegin is saparlarǵa aparyp, jýrnalistterge qoldaý bildirip júr. Aitalyq, osy jyly Aqtóbe qalasynda ótken seminarǵa barlyǵy 42 adam qatysty. Seminar barysynda eń alǵashqy bolyp aitylǵan másele — ol halyqtyń osal tusyn paidalanyp, san soqtyrǵan internettegi alaiaqtyq taqyryby boldy. Bul taqyrypta Halyk Bank Aqtóbe qalasynyń filialynyń basshysy Gúljahan Baiterekova baiandama jasady. Ol alaiaqtar adamdardy aldap, arbaý tásilderin jańasha túrlendirip otyratynyn eskertti. Sondyqtan qońyraý shalǵan abonentke eshqandai qupiia sózdi, jekeńizge kelgen kodty jariialamaý qajettigine egjei-tegjeili toqtaldy. Sebebi bank qyzmetkerleri eshbir jaǵdaida «Nesie rásimdeisiz be, shotyńyzdy bireý buzdy. Jasyryn kodty aityńyz» degen syndy málimetpen habarlasýǵa quqyǵy joq. Osyndai oqiǵaǵa tap bolsańyz, esh jaýap qaitarmai, dereý bankke barý jáne resmi bailanys nómirlerge habarlasý qajet», dep otyr.
Sondai-aq alaiaqtar memlekettik til emes orys tilinde habarlasady dep eskertti, alaida bolashaqta qazaq tilinde de habarlasýy múmkin.«Qazaqstan Halyq Banki» AQ naryqta 100 jyldan asa tabysty jumys isteitin jáne negizgi kórsetkishter boiynsha eldegi kóshbasshy sanalatyn iri kommertsiialyq bank bolyp sanalady.
Al «Iskerlik jýrnalistika: ashyq derekkózdermen jumys» týraly aitqan Túrkitildes jýrnalister qorynyń prezidenti, media trener Náziia Joiamergenqyzy jýrnalisterge toptyq zertteý jasatyp, ondaǵy kem tustary men aqparatty qaidan alý joldaryn naqty túsindirdi. Sonymen qatar jasandy intellekt, Chat GPT qoldaný týraly, «AI: infografika týrasynda bilimdi ári jas media trenerler óte keremet etip aityp túsindirdi. Jýrnalisterge paidaly qosymshalardyń qandai mańyzy baryn kórsetti. Jýrnalistter jańa dúnielerdi noýtbýk jáne telefon arqyly qoldanýdyń qanshalyqty kerek ekenin baiqap ǵana qoimai, ýaqyt utatyndaryn jáne jumystarynyń jeńildeitini týraly túsindi. Budan bólek, YouTube. áleýmettik jeli týraly, Reiting jáne monetizatsiia taqyrybynda media trenerler qyzyqty ári paidaly insaittar men aqparattardy jetkizdi.
Qalam ustaǵan qaýymnyń qarjy taqyrybynda qalam terbep qana qoimai, halyqtyń kózin ashyp, qarjylyq saýattylyǵyn arttyrýǵa baǵyttalǵan seminar biyl elimizdiń alty birdei qalasynda uiymdastyryldy. Onyń ishinde Atyraý, Aqtaý, Aqtóbe, Qyzylorda,Shymkent qalalary men Túrkistan oblysyndaǵy mediamamandardyń biliktiligin arttyryp, zaman talabyna sai jasandy intellektini qoldanýdyń tyń tásilderin úiretti. Shyndyǵy sol, bul seminar-trening jýrnalisterge jańa serpilis berdi. Trening sońynda qatysýshylarǵa arnaiy sertifikattar men syilyqtar tabystaldy. Aita ketý kerek, mundai tegin ári sapaly bilim beretin seminar treningter alaiaqtarǵa aldanyp, san soǵyp jatqan ańqaý halyqtyń da saýatyn ashýǵa serpin bereri anyq.
Aitpaqshy, biyl 11-12 qarashasynda «Túrkitildes jýrnalister qory» «Shevron» kompaniiasynyń seriktestiginde Qazaqstannyń Almaty qalasynda ótetin IV Halyqaralyq túrkitildes jýrnalister media forýmyn uiymdastyrady. Media forýmǵa Qazaqstan, Eýropa elderi, Túrkiia, Ortalyq Aziianyń BAQ basshylary, jýrnalister, aqparat jáne týrizm salasyna qatysty memlekettik organdar, depýtattar PR menedjerler, media salasyndaǵy úkimettik emes uiym ókilderi, týrizm salasynyń mamandary, JOO jýrnalistika fakýltetteriniń dekandary, oqytýshylary men stýdentteri, qoǵam qairatkerleri qatysady.
Túrki áleminiń media salasyndaǵy mańyzdy máselelerdi talqyǵa salatyn halyqaralyq alań – «TURKTIME: TÚRKI ELDERINIŃ MEDIA JÁNE TÝRIZM BIRLIGI» taqyrybyndaǵy media forýmda dástúrli jýrnalistika men áleýmettik medianyń jańa tendentsiialary, jasandy intellekttiń media keńistikke áseri, jasandy intellektti aqparat jinaý, saraptamalyq málimetter, kontent qalyptastyrýda paidalaný, BAQ-ta jasandy intellektti qoldanýdyń etikalyq qyry, bolashaqta ústemdik quratyn kontenttiń tiimdi formaty, VR/AR, interaktivtik media, media kompaniialar media naryqtaǵy jańa formattar men platformalar, kontentti monetizatsiialaý, týrizm salasyndaǵy ózara tiimdi yntymaqtastyqty kúsheitý maqsatynda túrki memleketterinde PR jáne marketing quraldaryn tiimdi paidalaný arqyly týrizm sektorynyń damýyna yqpal etý, memlekettik jáne jekemenshik qurylymdardyń týristik PR-dy damytýdaǵy rólin naqtylaý, týristik marketing salasyndaǵy mamandardy oqytý jáne kásibi biligin arttyrý sekildi taqyryptarda pikir almaspaq.
Eń mańyzdysy sol, halyqaralyq jiynnyń sońynda «Túrkitildes jýrnalister qory» QQ «Shevron» kompaniiasy men Halyk Bank seriktestiginde ótkizgen «Áleýmet – qoǵam ainasy»-2024, «Erkin sóz»-2024, «Týǵan jerim – tuǵyrym»-2024 shyǵarmashylyq baiqaýlarynyń jeńimpazdary marapattalatyn bolady.
