Aqtaýdaǵy Mańǵystaý oblystyq aýrýhanasynda naýqas tyr jalańash kúide terezeden sekirmek boldy. Tótenshe jaǵdai 25 qazanda 26-shaǵynaýdanda bolǵan, - dep habarlaidy Dalanews.kz Tengrinews.kz-ke siltep.
Jelide oqiǵanyń videosy paida boldy. Kadrlarda jalańash er adamnyń úshinshi qabattyń terezesinen sekirmek bolǵanyn, ony birneshe er adam ustap turǵanyn kórýge bolady.
Mańǵystaý oblystyq kópsalaly aýrýhananyń baspasóz qyzmeti 54 jastaǵy naýqastyń aýrýhanaǵa júrek aýrýymen túskenin aitty. Ol reanimatsiiada neiroinsýlt bóliminde em alyp jatqan. Er adam psihomotorlyq qozý jaǵdaiynda terezeden sekirýge tyrysqan.
Qutqarylǵannan keiin nevropatolog er adammen sóilesken, naýqasqa tynyshtandyratyn dári berilgeni aityldy. Qazir onyń jaǵdaiy birqalypty, dárigerlerdiń baqylaýynda.
Aldyn ala boljam boiynsha, óz-ózine qol jumsaý áreketine otbasylyq janjal sebep bolǵan. Qazir naýqastyń bólmesiniń janynda politsiia qyzmetkerleri kezekshilikte turǵany aityldy.
