Biyl besinshi ret ótken «Voice of Turan-2024» halyqaralyq qazaq ánderi baiqaýy óz máresine jetti. Respýblika kúnine orai Túrkistan oblysy ákimdiginiń qoldaýymen uiymdastyrylǵan halyqaralyq baiqaýda Armeniiadan kelgen ánshi Ciýzanna Melkonian gran-pri iegeri atandy, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Eki kún qatarynan ótken sharanyń alǵashqy kúninde sheteldik ánshiler elimizdiń óner sheberlerimen birge dýet oryndady. «Voice of Turan-2023» halyqaralyq qazaq ánderi festivaliniń jeńimpazy Ázerbaijannyń tanymal ánshisi Laeliia Alieva qonaq bolyp án shyrqady. Al ekinshi kúni qatysýshylar óz tańdaýyndaǵy qazaq ánin shyrqap, baqtaryn synady. Óner dodasyna halyqaralyq án baiqaýlarynda jetistikke jetken, 18-35 jas aralyǵyndaǵy estradalyq janrdaǵy oryndaýshylar, úlken kontserttik qoiylymdarda tájiribesi bar 16 úmitker qatysty.
Qazylar alqasynyń sheshimimen I dárejeli diplom Dimitrina Germanova (Bolgariia), II dárejeli diplom Samir Iolchiev (Belarýs), III dárejeli diplom Braim (Kýba) men Darleani Perniia (Venesýela) ielendi. Sonymen qatar Faro (Ázerbaijan), Aelin Ieliz (Túrkiia), Saida Mýhametzianova (Tatarstan), Mýkaddas Ýsmonova (Ózbekstan), Tarrarin (Indoneziia) baiqaý diplomanttary atandy. Al Tyva Respýblikasynan kelgen Ishkin Oglý «Eń úzdik aranjirovka» arnaiy júldesimen marapattaldy. Ózge de qatysýshylarǵa yntalandyrý syilyqtary berildi.
Aita keteiik, festival maqsaty – tól mýzykany, qazaqstandyq avtorlardyń úzdik shyǵarmalaryn, qazaq tilin nasihattaý. Án arqyly álemge halqymyzdyń mýzyka mádenietiniń san alýandylyǵyn kórsetý. Uly Dala elinde týyndaǵan shyǵarmalarda aiqyn saqtalǵan mýzykalyq erekshelikterdi kórsetý. Túrki álimniń rýhani astanasy – kieli Túrkistandy nasihattaý.
