Almaty oblysynda aýyl sharýashylyǵyn qoldaýǵa bólingen sýbsidiialardy jymqyrý jáne jalǵan shot-faktýralar jazyp berý isi boiynsha sot úkimi shyǵaryldy, dep habarlaidy dalanews.kz.
Qarjylyq monitoring agenttiginiń Almaty oblysy boiynsha departamenti júrgizgen tergeý barysynda «BAǴDAÝLET i PK» jáne «AMANTAÝ-2023» aýyl sharýashylyǵy óndiristik kooperativteriniń basshylary eki jyl boiy memlekettik baǵdarlamalar aiasynda sýbsidiialardy zańsyz alyp kelgeni anyqtalǵan.
Tergeý málimetinshe, kúdiktiler aýyl sharýashylyǵy basqarmasyna shiki sút satyp alý, sondai-aq sary mai men qatty irimshik óndirý jáne ótkizý týraly jalǵan málimetter usynǵan. Osy qujattardyń negizinde biýdjetten 251 mln teńgeden astam sýbsidiia zańsyz tólengen.
Alaida kooperativterde atalǵan qyzmetterdi júzege asyrý úshin qajetti óndiristik qýattar, jabdyqtar, jumysshylar jáne basqa da resýrstar bolmaǵan.
Sonymen qatar tergeý barysynda «ComputerService» jeke kásipkerligi arqyly jalǵan elektrondyq shot-faktýralar rásimdeý shemasy áshkerelendi. Bul qujattar jalǵan mámilelerdi kórsetý jáne kontragentterdiń salyq júktemesin jasandy túrde azaitý úshin paidalanylǵan.
Nátijesinde memleketke tólenbegen salyq kólemi 416 mln teńgeden asqan.
Sot qylmystyq shemaǵa qatysqan eki adamdy alty jylǵa deiin bas bostandyǵynan aiyrý jazasyna kesti.
Sondai-aq qylmystyq jolmen alynǵan qarajatqa satyp alynǵan BMW avtokóligi memleket kirisine tárkilendi.
Úkim ázirge zańdy kúshine engen joq.
