Bul derektermen Huawei Technologies Kazakhstan kompanıasynyń spıkerleri Nur-Sultan qalasynda ótken «Adamı kapıtal – Jańa Qazaqstannyń damýynyń negizgi resýrsy» atty 2022 Ǵylym jáne joǵary bilim forýmy sheńberinde bólisti.
İs-sharany QR Ǵylym jáne joǵary bilim mınıstrligi, QR ǴJBM Ǵylym komıteti jáne «Ǵylym qory» AQ uıymdastyrdy. Forýmnyń maqsaty ǵylymı-zertteý jáne tájirıbe-konstrýktorlyq jobalardy óndiriske engizý áleýetin biriktirýdi, sonymen qatar joǵary tehnologıalyq qoǵamdy damytý úshin oqý oryndarynyń, memlekettik mekemeler men kásipkerlik qaýymdastyq arasyndaǵy yntymaqtastyqty yntalandyrýdy kózdeıdi.
– Huawei kompanıasy oqý orny men AKT-salasy arasyndaǵy altyn «kópirge» aınaldy. Bizdiń maqsatymyz – bilimdegi alshaqtyqtardyń joıý úshin akademıalyq toptarmen jumys isteımiz. Bizdiń ýnıversıtetterdegi AKT- akademıalary stýdentterge Huawei kompanıasynyń halyqaralyq sertıfıkatyn alýǵa jáne tájirıbelik daǵdylardy meńgerýge múmkindik beredi, bolashaqta bul jumysqa turýǵa kómektesedi. Biz talantty stýdentterge osynda, Qazaqstanda qalýǵa, bolashaqta elimizdiń İT-ındýstrıasyn damytý úshin halyqaralyq bilim men tájirıbe jınaýǵa kómektesemiz, – dedi, Huawei Technologies Kazakhstan bas dırektory apparatynyń basshysy Farıda Tóleýbaeva.
Qazaqstan 2050 jylǵa qaraı álemdegi eń damyǵan 30 memlekettiń qataryna enýi jónindegi strategıalyq maqsaty elden óte joǵary básekelestikti talap etetini belgili.
Ǵylymǵa negizdelgen ekonomıkany qurý jáne adamı kapıtaldy qoldaý qajettiligi básekege qabilettiliktiń, memlekettiń ekonomıkalyq ósimi men tıimdiliginiń irgetasy bolyp tabylady. Dúnıejúzilik ekonomıkalyq forýmnyń esebine sáıkes dál shyǵarmashylyq jáne ónimdi jumys kúshi ózge resýrstarmen salystyrǵanda ulttyń uzaq merzimdi ekonomıkalyq tabysyna eń aýqymdy úles qosady.
Sheteldik bilim men múmkindikterdi paıdalaný jáne keıinnen damyp otyrǵan salalardy jan-jaqty zertteý úshin álemdik sanattaǵy bilim jáne ǵylymı-zertteý ınstıtýttaryn qurý damyǵan elder ustanǵan strategıalardyń basty tabysqa jetý faktoryna aınaldy. Qazaqstanda bul tájirıbe Huawei Technologies Kazakhstan kompanıasy usynatyn AKT-talanttardy qoldaý men damytý jónindegi halyqaralyq bastamalar bazasynda júzege asyrylady.
Baǵdarlamalar stýdentterdiń kompanıanyń tehnologıalary men ınfokommýnıkasıalyq ónimderine qol jetkizýine jáne Huawei-de oqý men onyń sertıfıkatyn alý múmkindigin beredi.
– Biz profesorlyq-oqytýshylyq quramnyń zıatkerlik áleýetin joǵary baǵalaımyz. Olardyń kúshimen ǵylymı zerttemelerdi komersıalandyrý, óndiristik jáne bıznes prosesterge ǵylymı tehnologıalardy engizý turǵysynan qosymsha qarjylandyrý tartylady. Búgingi tańda biz semınar sheńberinde olardyń ǵylymı jáne ǵylymı-tehnıkalyq qyzmet nátıjelerin komersıalandyrý salasyndaǵy áleýetin kórip otyrmyz, – dedi Ǵylym komıtetiniń tóraǵasy Ádilet Toıbaev atap ótti.
