Máskeý – zamanaýı, ashyq jáne qonaqjaı, demalý úshin de, iskerlik saparlar úshin de tartymdy qala. Álemdik deńgeıdegi osy zamanaýı megapolıstiń ınfraqurylymynda árbir qala turǵyny men qonaqtyń ózin qaýipsiz ári jaıly sezinýine jaǵdaı jasalǵan, al 900 jylǵa jýyq tarıhy men mádenı mura nysandarynyń kóptigi jyldyń kez kelgen ýaqytynda janǵa jaıly demalys uıymdastyrýǵa múmkindik beredi.
Qazaqstandaǵy roýd-shoý Qazaqstan men Reseıdiń týrısik salasy ókilderiniń baılanystar ornatýyna jáne jańa ónimdermen tanysýyna tamasha sebep boldy. Buǵan deıin Máskeý qalasynyń Týrızm jónindegi komıteti Belarýs jáne Ázirbaıjan sıaqty TMD-nyń basqa elderinde de roýd-shoý ótkizgen bolatyn.
Máskeý – tanymal týrısik baǵyt qana emes, sonymen qatar kóptegen týrısik reıtıńiniń kóshbasshysy bolyp otyrǵan qala. 2021 jylǵy qyrkúıektegi álemdegi eń jaqsy 100 qalanyń reıtıńisinde Reseı astanasy tórtinshi orynǵa ıe boldy.
Reseı astanasy Tokıo, Dýbaı, Sıngapýr, Barselona jáne Los-Andjeles sıaqty myqty básekelesterden ozyp ketti. Sondaı-aq ótken jyly Máskeý mádenı murany zertteýdiń jáne qysqa saparlardyń eń jaqsy baǵyty retinde bedeldi halyqaralyq týrısik World Travel Awards syılyǵynyń eki nomınasıasyn jeńip aldy
Máskeý qalasynyń Týrızm jónindegi komıteti –astanadaǵy týrızm máselelerine jetekshilik etetin Máskeý Úkimetiniń qurylymyndaǵy uıym. Jergilikti qonaqjaılylyqtyń brend-menedjeri retinde Týrızm jónindegi komıtet álemniń túkpir-túkpirinen týrıser tartady, olarǵa qalanyń múmkindikteri men qyzyqty oryndary týraly aıtyp beredi, sonymen qatar zańnamalyq, qarjylyq jáne jobalyq bastamalar arqyly astanalyq týrısik bızneske qoldaý kórsetedi jáne damytady.
