Ózbekstannyń Záńgiata aýdanynda ornalasqan jalǵyz áielder koloniiasynda (KIN-21) jazasyn ótep shyqqan áiel eldiń eks-prezidenti Islam Karimovtyń qyzy Gúlnara Karimovaǵa temir tordyń ar jaǵynda qandai jaǵdai jasalǵanyn aitty, - dep habarlaidy Dalanews.kz.
Anonim áieldiń sózinshe, Gúlnara Karimova jazasyn ortaq ortaq otriadta ótep júr.
"Oǵan erekshe VIP jaǵdai jasalmaǵan. Biraq tórt tósegi bar, ony kórpeshemen qorshap alady. Jumys istemeidi. Bir ret jumysqa ornalasyp, shý shyǵardy. Biraq túrmege otyrdyń ba – ortaq rejimdi ustaǵan durys qoi.
Erekshe jaǵdai jasalǵan tustar da bar. Mysaly bárimiz bir materialdan jasalǵan kiim kisek, ol aýa ótetin materialdan jasalǵan forma kiiýi múmkin. Nemese qalǵandaryna tyiym salynsa da baýy bar etik kie alady. Keide ainalasyna onsha emes kontingent adamdaryn jinap alatyn. Keiin basshylyq Karimovamen aralasýǵa tyiym saldy. Oǵan vip sálemdemeler kóptep keletin. Qarapaiym ashanadan tamaq ishpeidi. Tek óziniń tamaǵyn jeitin. Jeke aralaspappyn", - deidi anonim áiel Alter Ego. Vse pro Ýzbekistan arnasyna bergen suhbatynda.
Onyń sózinshe, keide Karimova túrmedegilerden kómek suraityn.
"Kómektesińder, men syrtqy álemmen bailanysa almaimyn" degendei. Bálkim júikesi juqaryp ketken shyǵar. Keibir adamdar ony kemsitip, qorlaidy dep estigenmin. Biraq ózi soǵan jetkizedi eken. Negizi oǵan jaǵdai jaqsy jasalǵan, ony eshkim jazalamaidy, jalpy qalaǵan nársesin ala alady. Ony qanshalyq ádil jazalaǵanyn bilmeimin. Biraq aqyry jazańdy ótep jatyrsyń ba – basyńdaǵy tájińdi sheship, bárimen birdei bolǵan durys", - deidi anonim áiel.
Aita keteiik, Gúlnara - Islam jáne Tatiana Karimovalardyń úlken qyzy. 2017 jyly Ózbekstannyń Bas prokýratýrasy Karimova Tashkent oblystyq soty aqsha qarajatyn urlaǵany jáne bopsalaǵany úshin 5 jylǵa bas bostandyǵyn shektegen bolatyn. Karimovaǵa bul úkim 2015 jyly shyǵyp qoiǵan. Sondai-aq, Karimova basqa qylmystyq is boiynsha - Ózbekstan Qylmystyq kodeksiniń 168, 178, 182, 189, 228 jáne 243-baptary boiynsha bótenniń múlkin iemdengeni, offshorlyq shottarǵa 1,942 milliard dollar jáne 29,1 million eýro somasyna "otkat" alý arqyly shetel valiýtasyn jasyrǵany, keden zańnamasyn buzǵany jáne qujattardy qoldan jasaý jáne kiristerdi zańdastyrý boiynsha qamaýǵa alynǵan.
2017 jyldyń 18 jeltoqsanynda taǵy bir qylmystyq is aiasynda oǵan on jylǵa bas bostandyǵynan aiyrý jazasy taǵaiyndaldy.
Gúlnara Karimova jazasyn birqatar shekteýlerdi saqtai otyryp qyzy Imannyń turǵylyqty jerinde óteýi kerek edi. Karimovaǵa úiden shyqpaý, bailanys quraldary men internetti paidalanbaý degen sekildi shart qoiylǵan. Ol sondai-aq memleketke keltirilgen zalaldy óteýge mindetti boldy. Biraq 2019 jyldyń 6 naýryzynda jazasyn óteý sharttaryn buzǵandyqtan jalpy rejim koloniiasyna aýystyryldy.
Tashkent qalalyq soty Ózbekstannyń tuńǵysh prezidenti Islam Karimovtiń qyzy Gúlnarany qylmystyq qoǵamdastyq qurý týraly is boiynsha 13 jylǵa bas bostandyǵynan aiyrdy. Bul týraly respýblika Joǵarǵy sotynyń saitynda habarlanady.
Sot istiń materialdaryn zerttep, Karimovany qylmystyq qoǵamdastyq uiymdastyrýǵa, bopsalaýǵa, urlyqqa qatysy bar dep tapty.
"Sottyń úkimimen Gúlnar Karimovaǵa 13 jyl 4 ai bas bostandyǵynan aiyrý jazasy taǵaiyndaldy", - delingen habarlamada.
Eldiń qylmystyq zańnamasynyń normalaryn eskere otyryp, sondai-aq birneshe qylmystar men buryn shyǵarylǵan úkimder boiynsha taǵaiyndalǵan jazalar jiyntyǵyna sáikes sot Karimova úshin jaza merzimi 2015 jylǵy 21 tamyzdan bastap esepteletinin anyqtady.
