Estý qabileti buzylǵan azamattarǵa psihologiialyq qoldaý kórsetilýde
Ortalyqqa mynadai sanattaǵy estý qabileti buzylǵan adamdar kómek alýǵa júginedi: turmystyq zorlyq-zombylyqqa tap bolǵan qurbandar; otbasylyq qiyndyqtardy bastan ótkergen erli-zaiyptylar; bosanǵannan keiin depressiiaǵa ushyraǵan analar; sondai-aq psihologiialyq qoldaýdy qajet etetin adamdar. Qoldaý ymdaý tili mamandary men psihologtyń onlain jáne oflain konsýltatsiialary túrinde kórsetiledi.
Daǵdarys ortalyǵynyń psiholog-keńesshisi Anna Kalinina áielderge anonimdi túrde konsýltatsiia beredi. Anna estý qabileti nashar adamdar úshin daǵdarys ortalyǵynyń qanshalyqty mańyzdy ról atqaratynyn aitady:
«Men úshin eń aiqyn nárse – estý qabileti buzylǵan adamdardyń kópshiliginde kommýnikatsiianyń aqsaýy. Bul qoǵammen árekettestikpen shektelmei, tipti jaqyn týystarymen bailanysta da baiqalady. Osy ortalyqta bul adamdarda estilýge múmkindik bar. Bul – genderlik aiyrmashylyqtardan tys, jai qiyndyqtarǵa ǵana emes, qaiǵyly oqiǵalarǵa tap bolǵan adamdar. Bul – qolynda problemalardy sheshýdiń negizgi bazalyq quraldary joq adamdar. Bizdiń daǵdarys ortalyǵymyz olar úshin qajetti aqparat pen keńes alýǵa múmkindik beredi, ózderi tańdaǵan kez-kelgen baǵytta ózderin júzege asyrýǵa múmkindik beredi.
Shymkenttik otbasylyq juptyń oqiǵasymen bóliskim kelip otyr. Kezdesýdiń bastamashysy jubaiy boldy. Biraq otbasylyq konsýltatsiiadan keiin biz olardyń árqaisysymen jeke konsýltatsiia ótkizýge sheshim qabyldadyq. Jeke konsýltatsiia barysynda áieliniń óz oiyn jetkizip, ózin jaqsyraq sezingenin baiqadyq. Ol óziniń qalaýy, ómirge degen qyzyǵýshylyǵy, jańa ispen ainalysýǵa degen umtylysy bar ekenin túsindi. Osyǵan bailanysty estý qabileti buzylǵan adamdarǵa muqiiat tyńdaýshynyń jetispeitindigin ańǵaramyz. Iaǵni, jai ǵana estilý, jan aýrýymen bólisý múmkindigi úlken ról atqarady.
Sondai-aq, óskemendik Mahabbat esimdi áieldi mysalǵa keltirýge bolady. Otbasylyq janjaldyń aiasynda kúieýi ony iterip jiberdi. Ol bundai oqiǵa onyń otbasynda bolmaýy kerek ekenin túsinip, biraq ol kúieýiniń jáne óziniń minez-qulqyn qalai ózgertý kerektigin, basqasha qalai ómir súrý kerek ekendigin bilmedi. Psihologiialyq konsýltatsiiadan bólek, biz oǵan art-terapiiany usyndyq. Sýret salý oǵan ózin jaqsy sezinýge kómektesti.
Sondai-aq, estý qabileti buzylǵan adamdarǵa qoldaý kórsetý sharalary týraly aqparat az ekenin baiqadym. Olarǵa áleýmettik, quqyqtyq máselelerdi sheshý qiynǵa soǵady. Mysaly, Semeiden kelgen Iýliianyń jaǵdaiy. Turmystyq zorlyq-zombylyq aiasynda ortalyqqa júginip, ol óziniń máselelerin zerttep qana qoimai, ózin oblys ortalyǵynda ornalastyrý múmkindigi týraly da bildi. Konsýltatsiiadan keiin ol qaida barý kerektigin jáne qiyn jaǵdaida qalai áreket etý kerektigin túsindi.»
Beine qońyraýlar qabyldaityn operator Zarina Býrova daǵdarys ortalyǵynyń aldaǵy josparlarymen bólisti:
«Meniń oiymsha bizdiń ortalyq qazirgi tańda sańyraý adamdar úshin jańa jáne poidaly tájiribe, óitkeni kópshiligi týystarymen sóilespeidi. Eger problemalar týyndasa, olar qaida barý kerektigin jáne olarǵa kim kómektese alatyndyǵyn bilmeidi.
15-18 jas aralyǵyndaǵy jasóspirimderdiń bizdń kómekke júginetini meni qatty qýantady. Bul tek turmystyq zorlyq-zombylyqqa tap bolǵandar ǵana emes, sonymen birge týystarymen, analarymen, ájelerimen problemalary bar adamdar. Olar máseleni anyqtap, durys jol tapqysy keledi.
Bul ai nátijeli ai boldy. Biz shynymen qajet ekenimizdi jáne adamdarǵa kómektese alatynymyzdy túsindik. Klientterimizdiń progresin kórý – keremet emotsiialar. Alǵashqy konsýltatsiiada siz kóńil kúii solǵyn adammen sóilesýińiz múmkin, al keleside aldyńyzda turǵan – óz ómirin basqasha súrýge sheshim qabyldaǵan múldem basqa adam. Endi ol aldyndaǵy maqsatyn aiqyn kóredi. Qaita týylǵandai ómirge qushtarlyǵy arta túsedi.
Kún saiyn biz 3-4 konsýltatsiia ótkizemiz. Birte-birte tilek bildirýshiler sany artyp keledi. Qazir bizdiń maqsatymyz – olarǵa qiyn jaǵdailardy jeńýge jáne jol tabýǵa kómektesetin quraldardy qoldanýdy úiretý.»
Biz estý qabileti buzylǵan barlyq azamattardy únsiz qalmaýǵa jáne zorlyq-zombylyqty toqtatýǵa shaqyramyz. Siz 8 777 505 40 28 daǵdarys ortalyǵynyń nómirine jazyp nemese videohabarlama jibere alasyz. Ótinishter jasyryn bolyp qalady. Sizge jeke konsýltatsiia berý ýaqyty taǵaiyndalady jáne kómek kórsetiledi. Daǵdarys ortalyǵyna júginý sotta turmystyq zorlyq-zombylyq faktisin dáleldeýge kómektesedi.
