Astanada máslihat depýtattarynyń oqýshylardyń ózin-ózi basqarý kóshbasshylarymen kezdesýi ótti. Qala máslihatynyń zańdylyq, quqyqtyq tártip jáne jurtshylyqpen jumys máseleleri jónindegi turaqty komissiiasynyń tóraǵasy Azamat Aitqojin qatysýshylarǵa esirtki qylmystarymen kúres týraly aitty, dep habarlaidy elorda ákimdiginiń resmi saity.
Depýtattyń aitýynsha, esirtki trafigine kóbirek jastar tartylýda.
"Nadandyq pen zańnama týraly bilimniń bolmaýy jaýapkershilikten bosatpaidy. Siz bizdiń mektepterdiń oqýshylary esirtki trafigine qatysyp, bul úshin 10 jylǵa deiin bas bostandyǵynan aiyrý jazasyn alǵan jaǵdailar týraly estigen shyǵarsyz", - dedi ol jastarǵa.
Onyń aitýynsha, esirtki biznesine qarsy kúrestiń tiimdiligin arttyrý jáne aldyn alý ádisterin ózgertý qajet.
"Biz jastarǵa esirtkini qoldaný tulǵanyń degradatsiiasyna jáne densaýlyqtyń aýyr problemalaryna ákeletinin jetkizýimiz kerek. Nashaqorlyq adamnyń densaýlyǵyna qaýip tóndirip qana qoimai, ainalasyndaǵylarǵa da qaýip tóndiredi, óitkeni ol azǵyndyq pen agressivti minez-qulyqqa ákelýi múmkin", - dedi ol.
Qorytyndylai kele, Azamat Aitqojin jastarǵa bos ýaqytyn tiimdi ótkizýge, damýǵa, jańa bilim alýǵa keńes berdi.
"Ár aýdanda siz sport alańdary men óner oryndaryn taba alasyz. Sizdiń mindetińiz - osy artyqshylyqtardyń barlyǵyn paidalaný", - dep túiindedi ol.
