Sherzattyń isine qatysty saraptamalardyń úsheýi aiaqtalyp, quqyq qorǵaý organdaryna berilgen. 16 jastaǵy Sherzattyń ólimi men úidiń órtenýi týraly is boiynsha bes saraptama taǵaiyndalǵan, - dep habarlaidy Dalanews.kz Qaz365.kz-ke siltep.
Ádilet ministrliginiń resmi ókili Talǵat Ýálidiń aitýynsha, bes sot-meditsinalyq saraptama taǵaiyndalǵan: máiit saraptamasy, órt sebepterin anyqtaý saraptamasy, fototehnikalyq saraptama, molekýlalyq-genetikalyq saraptama jáne biologiialyq saraptama.
Osy saraptamalardyń úsheýi aiaqtalyp, quqyq qorǵaý organdaryna berilgen. Qalǵandary zertteý protsesinde. Talǵat Ýáli tolyq aqparatty tek Ishki ister ministrliginen alýǵa bolatynyn habarlady.
Sondai-aq, saraptama barysynda qandai da bir qarýdyń tárkilengenin habarlaýǵa quqyǵy joq ekenin málimdedi.
Eske salaiyq, buǵan deiin Talǵardaǵy oqiǵa saldarynan 16 jastaǵy jasóspirim kóz jumdy.
Janjal jigittiń otbasy jalǵa alatyn dúkennen bastalǵan.
Kámeletke tolmaǵan balany óltirý deregi boiynsha Almaty oblysynyń politsiia departamenti qylmystyq is qozǵady.
