شەرزاتتىڭ ىسىنە قاتىستى ساراپتامالاردىڭ ۇشەۋى اياقتالىپ، قۇقىق قورعاۋ ورگاندارىنا بەرىلگەن. 16 جاستاعى شەرزاتتىڭ ءولىمى مەن ءۇيدىڭ ورتەنۋى تۋرالى ءىس بويىنشا بەس ساراپتاما تاعايىندالعان، - دەپ حابارلايدى Dalanews.kz Qaz365.kz-كە سىلتەپ.
ادىلەت مينيسترلىگىنىڭ رەسمي وكىلى تالعات ءۋاليدىڭ ايتۋىنشا، بەس سوت-مەديسينالىق ساراپتاما تاعايىندالعان: ءمايىت ساراپتاماسى، ءورت سەبەپتەرىن انىقتاۋ ساراپتاماسى، فوتوتەحنيكالىق ساراپتاما، مولەكۋلالىق-گەنەتيكالىق ساراپتاما جانە بيولوگيالىق ساراپتاما.
وسى ساراپتامالاردىڭ ۇشەۋى اياقتالىپ، قۇقىق قورعاۋ ورگاندارىنا بەرىلگەن. قالعاندارى زەرتتەۋ پروسەسىندە. تالعات ءۋالي تولىق اقپاراتتى تەك ىشكى ىستەر مينيسترلىگىنەن الۋعا بولاتىنىن حابارلادى.
سونداي-اق، ساراپتاما بارىسىندا قانداي دا ءبىر قارۋدىڭ تاركىلەنگەنىن حابارلاۋعا قۇقىعى جوق ەكەنىن مالىمدەدى.
ەسكە سالايىق، بۇعان دەيىن تالعارداعى وقيعا سالدارىنان 16 جاستاعى ءجاسوسپىرىم كوز جۇمدى.
جانجال جىگىتتىڭ وتباسى جالعا الاتىن دۇكەننەن باستالعان.
كامەلەتكە تولماعان بالانى ءولتىرۋ دەرەگى بويىنشا الماتى وبلىسىنىڭ پوليسيا دەپارتامەنتى قىلمىستىق ءىس قوزعادى.
