Esil ózenin qoqystan tazartý isi júieli júrýde
– Esil ózeniniń aýmaǵynda, sondai-aq onyń salalary – Aqbulaq jáne Sarybulaq arnalarynyń aidynyn, jaǵasyn tazartý jumysy turaqty túrde júrgizilýde. Brigada jumysshylary túrli qoqystardan, artyq ósimdikterden tazartady, – dedi Qorshaǵan ortany qorǵaý jáne tabiǵatty paidalaný basqarmasynyń bólim basshysy Jiger Sattarova.
Sonymen qatar, «Astana sý arnasy» MKK Esil ózeniniń arnasy – Aqbulaqqa sorǵy-súzgi stantsiiasynan shaiyndy sý aǵyzady. Mamandar bul sý taza jáne qala turǵyndary men qonaqtary úshin qaýipsiz ekenin málim etti.
– «Astana sý arnasy» MKK sorǵy-súzý stantsiiasy Ekologiia departamentinen emissiiaǵa jáne basseindik inspektsiiasynyń ruqsaty boiynsha Aqbulaq ózenine shaiyndy sý aǵyzady. Sýdy aǵyzý belgilengen normativ boiynsha júrgiziledi. Maýsym aiynda Ekologiia departamenti sý synamalaryn júrgizip, jospardan tys tekserdi, onyń negizinde belgilengen normadan asyp ketý anyqtalǵan joq, – dep túsindirdi «Astana sý arnasy» MKK sorǵy-súzý stantsiiasynyń jetekshi injener-tehnology Tatiana Smolkova.
«Astana sý arnasy» MKK málimeti boiynsha Aqbulaq ózenine sorǵy-súzý stantsiiasynan aǵyzylatyn sý jaǵymsyz iistiń kózi bolyp sanalmaidy. Qaita bul sý taza ári qaýipsiz bolyp esepteledi.
«Astana sý arnasy» MKK káriz-tazartý qurylǵylary Kóktal jáne Talapker turǵyn alaptarynyń arasynda, iaǵni Esil ózeniniń qaladan tys aǵysyna qarai aǵyzylady. Al tazartylǵan sýdyń sapasy normativke sáikes keledi», - dep habarlady «Astana sý arnasy» MKK bas injener-tehnology Firýza Aldynǵurova.
Kásiporyn 10 kún saiyn aǵyzylatyn sýdyń sapasyna qatań baqylaý júrgizedi.
Qalanyń nóser kárizin tazartý boiynsha «Elorda Eco System» kásiporny júieli jumys júrgizýde. Oǵan kún saiyn 25-ten astam arnaiy tehnika men 80-ge jýyq jol jumysshy jumyldyrylady. Sol siiaqty ashyq nemese buzylǵan liýkterdi, nóser jelisiniń toryn jabý úshin turǵyndardan túsken ótinimder pysyqtalýda.
Kommýnaldyq qyzmetkerler 2021 jyldyń 1 qańtary men 7 shilde aralyǵynda uzyndyǵy 19 myń metrden astam kollektordy jýdy, sol siiaqty 1 723 jaýyn qabyldaǵysh qudyqty tazartyp, 918 tonna lai shyǵardy.
Nóser káriziniń jelisine zańsyz qosylyp, qaldyq sý aǵyzylǵany anyqtalýda. Jyl basynan beri jalpy uzyndyǵy 54 000 metrdiń boiynan 3 120 qudyq tekserilip, oǵan zańsyz qosylǵan 114 jaǵdai anyqtaldy. Onyń ishinde 1,5 mln teńgeden asatyn somaǵa 114 eskertý berilip, 119 aiyppul salyndy.
