Elorda ákimdiginiń baspasóz qyzmetiniń habarlaýynsha, bas sanıtar dárigerdiń jańa qaýlysy daıyndalýda.
Monıtorıń toptar kúsheıtilgen rejımde karantın is-sharalarynyń saqtalýyn qadaǵalaý jumysyn júrgizip jatyr.
Sonymen qatar Ashyq jobasyna kirgen nysandardyń jumys sapasyn baqylaý da qatańdatylǵan.
"Osylaısha, jabyq saıajaılar men akvaparkterdiń, onyń ishinde baseınderdiń, qalalyq saıajaılardyń, ashyq aýadaǵy akvaparkterdiń, serýendeýge sýda júzetin kemelerdiń (teplohod, kater, qaıyq, katamaran, sý skýteri jáne t.b.), kınoteatrlardyń jumysyna tyıym salynady.
Túngi klýbtardyń Ashyq jobasy aıasynda jumys isteýine tyıym salynǵandyqtan olar da jumys istemeıdi. Ashyq jobasynsyz jumys isteıtin jazǵy alańdar demalys kúnderi jumysyn toqtatdy. Sonymen qatar demalys kúni qoǵamdyq kólikter júrmeıdi. Avtobýstar zararsyzdandyrylady", - dep atap ótti ákimdikten.
Munan bólek, ornalasqan jerine qaramastan meıramhana, dámhana, kofeıná úlgisindegi qoǵamdyq tamaqtaný nysandaryna (Ashyq jobasyna qatyspaıtyn) jumys kúnderi saǵat 07.00-den 20.00-ge deıin jumys isteýine ruqsat beriledi jáne senbi, demalys kúnderi jabyq bolady.
Ashyq aýada qyzmet kórsetetin tamaqtaný oryndary jumys kúnderi saǵat 07.00-den 22.00-ge deıin qyzmet kórsetedi. Al senbi jáne demalys kúnderi shtatty rejımde tapsyrysty jetkizip berýmen ǵana aınalysa alady.
Al Ashyq jobasyna qatysatyn qoǵamdyq tamaqtaný nysandaryna ǵımarattyń ishinde jumys kúnderi saǵat 07.00-den 22.00-ge deıin jumys isteýine ruqsat berilmek. Biraq, senbi jáne jeksenbi kúnderi jumys istemeıdi. Ashyq aýadaǵy tamaqtaný oryndaryna apta boıy saǵat 07.00-den 24.00-ge deıin ruqsat berý máselesi qarastyrylyp jatyr.
