Erbol Qarashókeev: «Aldaǵy bes jylda aýyl sharýashylyǵy salasynda 582 investitsiialyq joba iske asady»
Aýylsharýashylyǵyn damytý-básekege qabiletti ekonomika qurýdyń negizgi mehanizimi degen tujyrymnyń tóńireginde toptasqandar úlken otyrysta tóbe kórsetti. Bul qatarda, Senat depýtaty Aqylbek Kúrishbaev pen ekologiia, geologiia jáne tabiǵi resýrstar ministriniń orynbasary Serik Qojaniiazov ta bar.
Al, Almaty oblysynyń ákimi Qanat Bozymbaev moderator qyzmetin atqardy.
Sharýalar úshin mańyzdy, kóktemgi dala jumystarynyń qarsańynda ótken jinalysta, sý tapshylyǵy men tarifiniń ósýi, aýylsharýashylyǵyna qajetti tehnika men tańaitqyshtardyń baǵamynyń artýy syndy máseleler kóterildi.
Mańyzdy májilistiń basty spikeri, Erbol Qarashókeev sýbsidiialaý júiesindegi jańa reforma keler jyldyń basynda iske qosylatynyn jetkizdi. Al biyl, ishki naryqtyń turaqtylyǵyn saqtaý úshin agroónerkásiptik keshen salasynda sýbsidiialaý ózgerissiz qalady.
Esterińizge salamyz, aǵymdaǵy jyly atalmysh salany qoldaýǵa 309 mlrd.teńge qarastyrylǵan bolatyn, endi atalǵan somaǵa ústeme 388,2 mlrd.teńge qosylmaq. Bul shara tikelei memleket basshysynyń tapsyrmasynyń aiasynda júzege asyrylady.
Endigi kezekte qazynadan 63 mlrd. teńge aýyl sharýashylyǵy tehnikasyn jańartý, sýlandyrý júiesin, jylyjailar keshenin, sútti qaita óńdeý obektilerin qurý úshin investitsiialyq sýbsidiialaýǵa bólingenin atap ótken jón.
Ministrdiń sózine sensek, buryn kúshi joiylǵan jumyrtqalardy sýbsidiialaý baǵdarlamasy jalǵasyn tabady, al jumyrtqa baǵytyndaǵy ónerkásiptik qus sharýashylyǵynyń barlyq sýbektileri úshin sýbsidiialaý normativteri birdei bolyp, 2 eseden joǵarylatylady, iaǵni bir jumyrtqaǵa 3 teńgeden baǵalanbaq. Osyǵan qarai, biýdjetten 7,5 mlrd. teńge bólinedi dep kútilýde.
Sýbsidiialaýdyń jańa júiesiniń basty jańalyqtarynyń biri - tsifrlyq formatqa kóshirý. Qazirgi ýaqytta sýbsidiialaýdyń biryńǵai memlekettik aqparattyq júiesin ázirleý aiaqtalýda.
Bul degenimiz – jumys zamanǵa sai júrgizilip, qaǵaz bastylyqtan arylyp, máseleniń bir mezette sheshilýine jol salý.
– Búgingi kúni basym mindetterdiń biri egis naýqanyn ýaqtyly jáne sapaly júrgizý bolyp tabylady. Sonymen, qazirgi tańda tehnika daiyndyǵy 96 paiyzdy qurasa, kóktemgi dala jumystary jappai júrgizile bastaǵan ýaqytqa 100 paiyzdy quramaq, – dedi QR aýylsharýashylyǵy ministri Erbol Qarashókeev.
Jalpy, ákimdikterdiń ministirlikke bergen derekteri boiynsha 2022 jyly jalpy egis kólemi 23,1 mln. gektardy quraidy, bul 2021 jylmen salystyrǵanda 125 myń gektarǵa kóp.
Tutastai alǵanda, kóktemgi dala jumystaryna daiyndyq máselesi josparly túrde júrip jatyr.
Alqaly jiynda, óńir basshysy Qanat Bozymbaev, «Islam damý» banki arqyly Eskeldi jáne Aqsý aýdandarynyń irrigatsiialyq júielerin qalpyna keltirý jumystary júrgizilip jatqanyn atap ótti.
Oblys ákimi ústimizdegi jyly sý únemdeý tehnologiiasy alańyn 27 myń gektarǵa jetkizý qajettigin qadap aitty. Onyń aitýynsha, aimaqta budan basqa kóptegen jobalar qaita túzetýge jatady eken. Basty sebep - qarjylandyrýdyń ýaqytyly júzege aspaýy.
Aldaǵy tańda osy jáne ózgede túiitkildi isterdiń kúrmeýi sheshilmek, ol úshin keler bes jylda agroónerkásiptik keshen ónimderiniń importyn almastyrý jáne eksportyn damytý boiynsha 4,1 trln teńge somasyna keminde 582 investitsiialyq jobany iske asyrý kózdelýde.
Jaýaptylardyń sózinshe, atalmysh sharalardy qabyldaý aýyl sharýashylyǵy damýynyń ornyqtylyǵyn arttyrýǵa múmkindik beredi.
