Eń aldymen, aimaq basshysy "Quryq-Aqtaý" tas jolynyń 20-shy shaqyrymynda jumysy turalap qalǵan jylyjai aýmaǵyn aralady. "Eko prodakshn" seriktestigi biyl jalpy aýdany 460 gektar bolatyn jerdiń 3 gektaryna qiiar, qyzanaq jáne qulpynai egýdi josparlap otyr. Kásipker óz isin dóńgeletý úshin infraqurylym júrgizýge kómek surady. Oblys ákimi Nurlan Noǵaev óńirde jylyjai salýmen ainalysqysy keletin kásipkerlerdi jan-jaqty qoldaý qajettigin atap ótti.
Sondai-aq, aimaq basshysy Quryq aýylynda ornalasqan Qyzylqum eldi mekenindegi "Rysbek" sharýa qojalyǵynyń jumysymen tanysty. Kásipker jalpy aýmaǵy aýmaǵy 32 ga jerdiń 6 ga júzim, alma jemis aǵashtaryn otyrǵyzsa, 3 ga jerge jylyjai salǵan. Sondai-aq, tamshylatyp sýarý tehnologiiasy boiynsha jońyshqa, arpa egip, mal azyǵyn daiyndaýdy jolǵa qoiǵan. Kásipker óz ónimin Jetibai, Munaishy, Quryq aýyldarynda jáne Aqtaý qalasynda satady.
Jalpy aýdan boiynsha 1645 jeke qosalqy sharýashylyq jáne 655 sharýa qojalyǵy tirkelgen, onyń 41-i eginshilikpen ainalysady. Sonymen qatar, jalpy aýdany 2,9 ga bolatyn 22 fermerlik jylyjai bar. Ótken jyly 122,5 ga kókónis tuqymdary sebilip, nátijesinde 3117,5 tonna ónim alyndy. Al, biyl 130 gektarǵa kókónis egip, 4000 tonnaǵa jýyq ónim alý josparlanyp otyr.
Budan keiin oblys ákimi Quryq aýylynda azamattardy jeke qabyldady.
Sondai-aq, aimaq basshysy Qaraqiia kásiptik kolledjiniń jumysymen tanysty. Onda jeti mamandyq boiynsha bilim alady: avtomobil sharýashylyǵy, aýyl sharýashylyǵy, veterinariia jáne ekologiia, bailanys, telekommýnikatsiia jáne aqparattyq tehnologiialar, sáýlet jáne qurylys, tigin óndirisi jáne kiim úlgileý. Oqý ornynda 200 oryndyq jataqhana jumys isteidi. Búgingi tańda barlyǵy 394 stýdent bilim alýda. 2021 jyly kolledjdi 118 túlek bitirip, onyń 84-i mamandyǵy boiynsha jumysqa ornalasty.
Kolledj jumysymen tanysqan aimaq basshysy aýdan jastarymen kezdesý ótkizdi. Kezdesý barysynda jastar oblys ákimine ózderin qyzyqtyrǵan suraqtaryn qoiyp, óz usynystaryn aitty. Jastar kótergen máseleler negizinen áleýmettik máselelerge qatysty boldy. Óńir basshysy búgingi bolashaq bilimdi, saýatty, básekege qabiletti jastardyń qolynda ekenin atap ótip, jastardy azamattyq qoǵamdy damytýǵa qatysýǵa shaqyrdy.
- Memleket Basshysy Qasym-Jomart Toqaev jaýapty tulǵalarǵa azamattyq qoǵamdy damytý, onyń áleýetin nyǵaitý úshin bar kúsh-jigerin salýdy tapsyrdy. Azamattyq qoǵam neǵurlym kúshti bolsa, el soǵurlym kúshti bolady. Ol úshin qazir barlyq jaǵdai jasalǵan, josparymyzdy júzege asyrý ǵana qalady, - dedi Nurlan Noǵaev.
Oblys ákimi Quryq aýylynda ornalasqan "Akson Med" ońaltý jáne qaita beiimdeý ortalyǵynda boldy. Onda 40 adam jumys isteidi.
Ortalyq túrli operatsiiadan keiingi jáne júrek-qan tamyr, bel-omyrtqa aýrýlary men sporttyq jaraqattardy ońaltý, qalpyna keltirý qyzmetin kórsetedi.
Mekemede qimyl jattyǵýlaryna, sýmen, tokpen, tuzben emdeýge, parafinmen emdeýge jáne fizioterapiiaǵa arnalǵan arnaiy kabinetter jumys isteidi. Ortalyqtyń kúnine 200-ge deiin emdelýshini qabyldaý múmkindigi bar.
