2025 jyldyń 1 qańtarynan bastap ataýly áleýmettik kómek (AÁK) alýǵa úmitker azamattardyń shyǵyndaryn esepteý tetigin synaý maqsatynda pilottyq joba iske qosylady, dep habarlaidy Dalanews.kz.
Bul týraly Ortalyq kommýnikatsiialar qyzmetinde ótken baspasóz máslihatynda Eńbek jáne halyqty áleýmettik qorǵaý vitse-ministri Oljas Anafin málimdedi.
Ministrliktiń málimetinshe, Memleket basshysynyń tapsyrmasyna sáikes, áleýmettik kómekti shyn muqtaj azamattarǵa baǵyttaý maqsatynda halyqtyń jiyntyq kirisi men shyǵystaryn anyqtaityn júieni jetildirý jumystary júrgizilip jatyr. Osyǵan bailanysty Áleýmettik kodekske ózgerister engizý jónindegi usynystar Úkimettiń qaraýyna joldandy.
Vitse-ministrdiń aitýynsha, AÁK taǵaiyndaý kezinde muqtajdyq deńgeiin anyqtaityn ólshemderge birqatar jańa talap qosylmaq.
Olar:
• turǵyn úi nemese jeńil avtokólik satyp alý faktisi;
• ipotekadan basqa, ár otbasy múshesine aiyna eń tómengi kúnkóris deńgeiinen joǵary mólsherde banktik qaryz nemese mikrokredit alý;
• otbasy músheleriniń bir aidaǵy bank shottary boiynsha shyǵyndarynyń jiyntyǵy kedeilik sheginen asyp ketýi;
• ipotekalyq depozitten basqa, otbasynyń jalpy jinaq shotynyń kólemi 200 AEK-ten asýy.
“Bul synaq júiesi azamattardyń kelisimimen júzege asyrylatyn bolady. Osy arqyly memleket áleýmettik kómekti shyn máninde muqtaj otbasylarǵa baǵyttaýdy maqsat etip otyr”, – dedi Anafin.
Aita keteiik, buǵan deiin Qazaqstandaǵy kedeilik shegi 2025 jyldanbastap jańa tásilmen esepteletini týraly jazǵan edik. Bul Eńbek jáne halyqty áleýmettik qorǵaý ministri Svetlana Jaqypovanyń buiryǵy negizinde qamtylǵan.
"2025 jylǵy 1 qańtardan bastap kedeilikshegi memlekettik ataýly áleýmettik kómek taǵaiyndaýǵa ótinish bergen toqsannyń aldyndaǵy toqsanda eseptelgen ortasha tabystyń 35% mólsherinde, biraq kórsetilgen toqsan boiynsha eseptelgen óńirlik kúnkóris deńgeiiniń 70% –dan tómen emes mólsherde aiqyndalatyn bolady", delingen buiryqta.
Buǵan deiin ol memlekettik ataýly áleýmettik kómek taǵaiyndaýǵa ótinish bergen toqsannyń aldyndaǵy toqsanǵa eseptelgen eń tómengi kúnkóris deńgeiiniń 70% mólsherinde eseptelip kelgen bolatyn.
Buiryq 2025 jylǵy 6 qańtardan bastap qoldanysqa engiziledi.
Aita ketsek, buiryqqa sáikes, esep endi toqsan saiyn júrgiziletin bolady. Biylǵy jyldyń sońynda ortasha jalaqy (mediandy) kólemi 285 myń teńgeni qurady, iaǵni jańa standarttar boiynsha tabysy 100 myń teńgeden tómen adamdar kedei sanalady.
