Eńbek jáne áleýmettik qorǵaý vitse-ministri Aqmádi Sarbasov Aqtaýda ótken baspasóz máslihatynda áýe apatynan qaza tapqan qazaqstandyqtardyń otbasyna qandai kómek kórsetiletinin baiandady, dep habarlaidy Dalanews.kz.
Onyń aitýynsha, marqumdardyń jaqyndaryna kepildendirilgen memlekettik tólemdermen qatar, qosymsha qoldaý da kórsetiledi.
“Biz jergilikti qurylymdar arqyly demeýshiler men jumys berýshilermen birlesip jumys istep jatyrmyz. Árine, bir rettik kómek qarastyrylǵan, onyń naqty kólemi anyqtalý ústinde”, – dedi Sarbasov.
Ministrdiń málimetinshe, respýblikalyq biýdjetten kepildendirilgen tólem barlyq otbasyǵa beriledi.
“Asyraýshysynan aiyrylǵandarǵa 138 myń teńge kóleminde járdemaqy tólenedi. Sonymen qatar Memlekettik áleýmettik saqtandyrý qory arqyly 257 myń teńge tólenedi. Bir rettik tólem mólsheri 5 million teńge bolady”, – dep tolyqtyrdy ol.
Eske salaiyq, 25 jeltoqsanda Aqtaý mańynda ushaq qulady. Osyǵan bailanysty TJM túsinikteme berdi.
"Aqtaýda ushaq qulaǵan orynǵa Qazaqstan TJM jeke quramynan 52 adam jáne 11 birlik tehnikasy bardy. Oqiǵa ornyna kelgen boida áýe kemesi janyp jatty. Qutqarý bólimsheleri órtti sóndirýge kiristi", - dedi olar.
Ázeibaijandyq BAQ-tyń habarlaýynsha, bortta 67 jolaýshy jáne 5 ekipaj múshesi bolǵan.
