Jahandyq Big Tech Qazaqstan biýdjetine 70 mlrd teńge tóledi. Olardyn arasynda Alibaba, Aliexpress, Apple Google, Huawei, Netflix, Pinduoduo, Temu da bar, dep jazady Dalanews kz Memlekettik kirister komiteti baspasóz qyzmetine silteme jasap.
Aita ketsek, 2022 jyldan bastap Qazaqstan Respýblikasynda sheteldik internet-kompaniialarǵa qatysty qosylǵan qun salyǵy (QQS) engizildi, ol "Google salyǵy" degen ataýmen belgili. Bul jańashyldyq elektrondy saýdamen ainalysatyn jáne jeke tulǵalarǵa elektrondy túrde qyzmet kórsetetin sheteldik uiymdardyń salyqtyq mindettemelerin retteýge baǵyttalǵan.
"Búgingi tańda 98 sheteldik uiym tirkelgen, olardyn arasynda Alibaba, Aliexpress, Apple Google, Huawei, Netflix, Pinduoduo, Temu jáne basqa da iri oiynshylar bar. Tólengen salyqtardyń jalpy somasy 70,0 milliard teńgeden asty. Sheteldik internet-kompaniialardyń qyzmetin baqylaýdy kúsheitý maqsatynda Salyq kodekske qosymsha ózgerister engizildi. Eger sheteldik kompaniia tirkelý jónindegi mindettemelerin oryndamasa, onyń Qazaqstan aýmaǵyndaǵy qyzmetin buǵattaýǵa sheiin múmkindigi qarastyrylǵan", delingen habarlamada.
Osylaisha, "Google salyǵyn" engizý jáne odan ári damytý ulttyq ekonomikanyń múddesin qorǵaýǵa jáne naryqtyń barlyq qatysýshylaryna ádil jaǵdai jasaýǵa baǵyttalǵan. Bul sharalar salyqtyq tártipti nyǵaitýǵa jáne Qazaqstandaǵy elektrondy saýdanyń uzaq merzimdi damýyna berik negiz qalyptastyrýǵa yqpal etedi.
Buǵan deiin Qytaidyń Alibaba kompaniiasy Qazaqstannyń salyq tóleýshileri qataryna qosylǵanyn jazǵan bolatynbyz.
