جاھاندىق Big Tech قازاقستان بيۋدجەتىنە 70 ملرد تەڭگە تولەدى. ولاردىن اراسىندا Alibaba، Aliexpress، Apple Google، Huawei، Netflix، Pinduoduo، Temu دا بار، دەپ جازادى Dalanews kz مەملەكەتتىك كىرىستەر كوميتەتى باسپا ءسوز قىزمەتىنە سىلتەمە جاساپ.

ايتا كەتسەك، 2022 جىلدان باستاپ قازاقستان رەسپۋبليكاسىندا شەتەلدىك ينتەرنەت-كومپانيالارعا قاتىستى قوسىلعان قۇن سالىعى (ققس) ەنگىزىلدى، ول "Google سالىعى" دەگەن اتاۋمەن بەلگىلى. بۇل جاڭاشىلدىق ەلەكتروندى ساۋدامەن اينالىساتىن جانە جەكە تۇلعالارعا ەلەكتروندى تۇردە قىزمەت كورسەتەتىن شەتەلدىك ۇيىمداردىڭ سالىقتىق مىندەتتەمەلەرىن رەتتەۋگە باعىتتالعان.

"بۇگىنگى تاڭدا 98 شەتەلدىك ۇيىم تىركەلگەن، ولاردىن اراسىندا Alibaba، Aliexpress، Apple Google، Huawei، Netflix، Pinduoduo، Temu جانە باسقا دا ءىرى ويىنشىلار بار. تولەنگەن سالىقتاردىڭ جالپى سوماسى 70،0 ميلليارد تەڭگەدەن استى. شەتەلدىك ينتەرنەت-كومپانيالاردىڭ قىزمەتىن باقىلاۋدى كۇشەيتۋ ماقساتىندا سالىق كودەكسكە قوسىمشا وزگەرىستەر ەنگىزىلدى. ەگەر شەتەلدىك كومپانيا تىركەلۋ جونىندەگى مىندەتتەمەلەرىن ورىنداماسا، ونىڭ قازاقستان اۋماعىنداعى قىزمەتىن بۇعاتتاۋعا شەيىن مۇمكىندىگى قاراستىرىلعان"، دەلىنگەن حابارلامادا.

وسىلايشا، "Google سالىعىن" ەنگىزۋ جانە ودان ءارى دامىتۋ ۇلتتىق ەكونوميكانىڭ مۇددەسىن قورعاۋعا جانە نارىقتىڭ بارلىق قاتىسۋشىلارىنا ءادىل جاعداي جاساۋعا باعىتتالعان. بۇل شارالار سالىقتىق ءتارتىپتى نىعايتۋعا جانە قازاقستانداعى ەلەكتروندى ساۋدانىڭ ۇزاق مەرزىمدى دامۋىنا بەرىك نەگىز قالىپتاستىرۋعا ىقپال ەتەدى.

بۇعان دەيىن قىتايدىڭ Alibaba كومپانياسى قازاقستاننىڭ سالىق تولەۋشىلەرى قاتارىنا قوسىلعانىن جازعان بولاتىنبىز.