– Pandemiia bizge tsifrlyq tehnologiialardy ómirlik mańyzy bar barlyq salaǵa engizýge mán berý keregin kórsetti. Mysaly, bizde densaýlyq pasporty 100% tsifrlanǵan, medanyqtama berýdiń legitimdiligin tekserý úshin aqparattyq servisti paidalanýǵa bolady. Berilgen anyqtamaǵa QR-kod qondyrylǵan, iaǵni skanerleý arqyly onyń rastyǵyn tekserýge bolady. Budan bólek, ata-analar men jetkizýshilerdiń ótinishimen mektepterdegi tamaqtandyrý boiynsha memlekettik satyp alý avtomattandyryldy.
Sondai-aq, avtobýstar júiesi 100% elektrondy tólemmen jaraqtandy. Bul – kóleńkeli ainalymnan 40% qarjyny alyp shyǵýǵa múmkindik berdi. Pandemiia kezinde júrgizýshimen bailanys tómendetildi.
Budan bólek, injenerlik/qalalyq jelilerge jáne t.b. tsifrlaý júrgizemiz. Bul jelilerdegi júktemeni kórýge, qai jerde aýystyrý nemese qýatyn kúsheitý kerektigin baqylaýǵa múmkindik beredi.
Sondai-aq, qalanyń tsifrlyq bas jospary siiaqty jobalardy júzege asyrý qala qurylysynyń protsesin boljaýǵa jáne modeldeýge, qai aýdandy aýrýhanamen, mekteppen, balabaqshamen qamtamasyz etý qajettigi týraly aqparatty jáne jobalanǵan jol jelileriniń jaǵdaiyn kórýge múmkindik beredi, – dedi elorda ákimi Altai Kólginov.
Turǵyndardyń ótinishi boiynsha qala aýlalarynyń qaýipsizdik deńgeiin kóterý úshin «Qaýipsiz aýla» jobasy júzege asyrylýda. Ornatylǵan kameralar urlyq, ózgeniń múlkine qol suǵý siiaqty jáne basqa da qylmystardy azaitýǵa múmkindik beredi.
Sondai-aq, Nur-Sultan ákimi qala ákimdiginiń 159 memlekettik qyzmet kórsetetinin, onyń 100% elektrondy formatqa kóshkenin atap ótti. Onda adami faktor tolyqtai joiylǵan saiyn jemqorlyq táýekeli de tómendeidi. Bul rette sonymen qatar – «iQala» ortalyǵy, turǵyn úi ortalyǵy jáne «Januia» otbasy institýtyn qoldaý ortalyǵy siiaqty elordalyq áleýmettik nysandar da kómek kórsetedi. Atalǵan ortalyqtar «bir tereze» qaǵidaty boiynsha jumys isteidi. Qala ákimdigi tsifrlyq tehnologiialardy engizý jáne jaqsartý boiynsha jumystardy jalǵastyratyn bolady.
Foto: Aleksandr Kýprienko
