– «Halyq únine qulaq asatyn memleket» tujyrymdamasy aıasynda apta saıyn onlaın rejıminde azamattardy qabyldaımyz. Ondaǵy negizgi suraqtardyń deni – jumyspen qamtý, turǵyn úı baǵdarlamalaryna qatysý, bilim, medısınalyq kómek alýǵa. qatysty. Tek ótken jyldyń ózinde biz 10 myń azamatty qabyldadyq. Bul 10 myń otbasy degen sóz. Suraqtardyń bir bóligi sol jerde sheshiledi, qalǵany boıynsha jumys júrgiziledi.
Osy aı bastalǵaly orynbasarlarym men aýdan ákimderimen birge 500-ge jýyq azamatty qabyldadyq. Sondaı-aq, burnaǵy kúnderi aýdan ákimderi turǵyndarmen 15 esep berý kezdesýin ótkizdi. Máselelerdi sheshý boıynsha tek bir ret emes, júıeli negizde qolǵa alamyz. Mysaly, bul rette turǵyn úı salasy boıynsha qyzmet kórsetetin ortalyq pen áleýmettik kómek berý boıynsha «Januıa» ortalyǵyn ashtyq, – dedi elorda ákimi Altaı Kólginov.
«Januıa» otbasy ınstıtýtyn qoldaý ortalyǵy 2019 jyldyń jazynan beri iske qosyldy. Atalǵan ortalyqta otbasylarǵa zańdyq, psıhologıalyq jáne áleýmettik kómekter kórsetiledi. Turǵyndar «bir tereze» qaǵıdaty boıynsha 70-ten asa qyzmet ala alady. Ortalyq ashylǵannan beri onda 45 myń azamat júginip, onda 65 myń suraq boıynsha jumys qolǵa alynǵan.
Turǵyn úı ortalyǵy 2020 jyldyń kúzinde ashyldy. Atalǵan ortalyqta turǵyn úı kezegindegi nómirin anyqtap, qalaı kezekke turýǵa bolatyny týraly, turǵyn úı baǵdarlamalarynyń túrli mehanızmderi jáne t.b. jóninde bilýge bolady. Ortalyq ashylǵan 3 aı ishinde 18 myń turǵyn júgingen.
Foto: Aleksandr Kýprıenko
