– «حالىق ٷنٸنە قۇلاق اساتىن مەملەكەت» تۇجىرىمداماسى اياسىندا اپتا سايىن ونلاين رەجيمٸندە ازاماتتاردى قابىلدايمىز. ونداعى نەگٸزگٸ سۇراقتاردىڭ دەنٸ – جۇمىسپەن قامتۋ, تۇرعىن ٷي باعدارلامالارىنا قاتىسۋ, بٸلٸم, مەديتسينالىق كٶمەك الۋعا. قاتىستى. تەك ٶتكەن جىلدىڭ ٶزٸندە بٸز 10 مىڭ ازاماتتى قابىلدادىق. بۇل 10 مىڭ وتباسى دەگەن سٶز. سۇراقتاردىڭ بٸر بٶلٸگٸ سول جەردە شەشٸلەدٸ, قالعانى بويىنشا جۇمىس جٷرگٸزٸلەدٸ.
وسى اي باستالعالى ورىنباسارلارىم مەن اۋدان ەكٸمدەرٸمەن بٸرگە 500-گە جۋىق ازاماتتى قابىلدادىق. سونداي-اق, بۇرناعى كٷندەرٸ اۋدان ەكٸمدەرٸ تۇرعىندارمەن 15 ەسەپ بەرۋ كەزدەسۋٸن ٶتكٸزدٸ. مەسەلەلەردٸ شەشۋ بويىنشا تەك بٸر رەت ەمەس, جٷيەلٸ نەگٸزدە قولعا الامىز. مىسالى, بۇل رەتتە تۇرعىن ٷي سالاسى بويىنشا قىزمەت كٶرسەتەتٸن ورتالىق پەن ەلەۋمەتتٸك كٶمەك بەرۋ بويىنشا «جانۇيا» ورتالىعىن اشتىق, – دەدٸ ەلوردا ەكٸمٸ التاي كٶلگٸنوۆ.
«جانۇيا» وتباسى ينستيتۋتىن قولداۋ ورتالىعى 2019 جىلدىڭ جازىنان بەرٸ ٸسكە قوسىلدى. اتالعان ورتالىقتا وتباسىلارعا زاڭدىق, پسيحولوگييالىق جەنە ەلەۋمەتتٸك كٶمەكتەر كٶرسەتٸلەدٸ. تۇرعىندار «بٸر تەرەزە» قاعيداتى بويىنشا 70-تەن اسا قىزمەت الا الادى. ورتالىق اشىلعاننان بەرٸ وندا 45 مىڭ ازامات جٷگٸنٸپ, وندا 65 مىڭ سۇراق بويىنشا جۇمىس قولعا الىنعان.
تۇرعىن ٷي ورتالىعى 2020 جىلدىڭ كٷزٸندە اشىلدى. اتالعان ورتالىقتا تۇرعىن ٷي كەزەگٸندەگٸ نٶمٸرٸن انىقتاپ, قالاي كەزەككە تۇرۋعا بولاتىنى تۋرالى, تۇرعىن ٷي باعدارلامالارىنىڭ تٷرلٸ مەحانيزمدەرٸ جەنە ت.ب. جٶنٸندە بٸلۋگە بولادى. ورتالىق اشىلعان 3 اي ٸشٸندە 18 مىڭ تۇرعىن جٷگٸنگەن.
فوتو: الەكساندر كۋپريەنكو
