Ǵylymı jobaǵy QR Aýyl sharýashylyǵy ǵylymdarynyń akademıgi, t.ǵ.d. profesor J.S. Álimqulov jetekshilik jasaǵan.
Búginde aýyl sharýashylyq jáne tamaq ónimderin uzaq ýaqyt saqtaý úshin hımıalyq óńdeýden ótkizetini belgili. Bul tásilden keıin tamaq ónimderiniń mańyzy tómendep, keıde olar adam densaýlyǵyna keri áserin tıgizip jatatyny jasyryn emes. Sonymen qatar hımıalyq óńdeý qorshaǵan ortaǵa zalalyn tıgizip, kásiporyndardy biraz shyǵynǵa batyratynyn da bilemiz.
Aldaǵy ýaqytta azyq-túlikti hımıalyq jolmen óńdeýdiń dástúrli tásilin – elektrli-fızıkalyq jolmen óńdeý tehnologıasy almastyrý múmkin. Jalpy bul tásildiń paıda bolǵanyna 50 jyldan astam ýaqyt boldy. Osy ýaqyt aralyǵynda ǵalymdar tamaq ónimderin elektrli-fızıkalyq tásilmen óńdeýdiń tehnologıasyn aıtarlyqtaı jetildirdi. Búginde bul iske qazaq ǵalymdary da óz úlesin qosqanyna kýá bolyp otyrmyz.
Tamaq ónimderin elektrli-fızıkalyq tásilmen óńdeýde qýat kózi negizinen tamaqty buzylýyna ákep soǵatyn mıkroorganızmderdi ıondaýǵa baǵyttalady. Nátıjesinde aýrý týdyratyn bakterıalar men vırýstardyń belsendiligi tómendep, azyq-túlik uzaq ýaqyt saqtaýǵa múmkindik týady.
Qazaq qaıta óńdeý jáne tamaq ónerkásibi ǴZI ǵalymdary elektrli-sáýleler arqyly bıdaı, un jáne otandyq makaron ónimderdi óńdeýdiń jańa úlgisin usynýda. Sonymen qatar tamaq ónimderdi keptirip, muzdatýdyń tyń jolyn tapqanyn aıta ketýimiz kerek. Aldaǵy ýaqytta ǵalymdarymyz oılap tapqan tehnologıany elimizdegi tamaq ónerkásibemen aınalysatyn kásiporyndardyń bári paıdalanýyna bolady.
