Qazirgi kezde onlaın rejımde tek turaqty tirkeý qyzmeti ǵana jumys isteıdi. Endi, bir aıdyń ishinde oǵan ýaqytsha tirkelý qyzmeti de qosylady.
– Qazirgi kezde ishki logıstıka máseleleri rettelip jatyr. Negizgi maqsat – xalyqqa qyzmet kórsetý ortalyqtaryndaǵy kezekterdi azaıtý. Ol úshin derekter bazalaryn ózara kiriktirý kerek. Sodan keıin ýaqytsha tirkeýdi onlaın rejımde iske qosýǵa bolady. Oǵan ulttyq aqparattyq texnologıalar ortalyǵy men ishki ister mınıstrligi jaýapty. Bir aıdan az ýaqytta atalǵan qyzmet engiziledi, – dedi D.Abaev.
Al «Azamattarǵa arnalǵan úkimettiń» basqarma tóraǵasy Danıar Erenchınovtyń aıtýynsha, búginde xalyqqa qyzmet kórsetý ortalyqtarynda ýaqytsha tirkeý boıynsha jumys isteıtin mamandardyń sany kóbeıdi. Sondaı-aq jumys kestesi tańǵy saǵat 8:00-den keshki 20:00-ge deıin uzartyldy.
Avtor: Arman Asqarov
