"Kavkazskıı ýzel" ınternet basylymynyń bas redaktory Grıgorıı Shvedov Reseı Tergeý komıtetine Sheshenstan parlamentiniń basshysy Magomed Daýdovtyń ústine aryz túsirdi. Bul týraly RBK habarlady.
4 qańtarda Daýdov ınstagram arqyly Shvedovty qorqytqan. Jýrnalıs spıkerdiń sózderin kásibı qyzmetine kedergi keltirý dep qabyldaǵan. "Kavkazskıı ýzel" basylymy aımaqtaǵy, sonyń ishinde Sheshenstandaǵy adam quqyǵynyń buzylýy týraly habarlaıdy.
Kópshilikke Lord retinde tanymal Magomed Daýdov - sheshen basshysy Ramzan Qadyrovtyń jaqyn dostarynyń biri. Birqatar reseılik BAQ ony respýblıkadaǵy ekinshi yqpaldy adam dep sanaıdy.
Ótken jyly qazanda, "Kavkaz.Realıı" basylymynyń habarlaýynsha, Daýdov Sheshenstan Joǵarǵy soty tóraǵasynyń qyzmetin atqaýshy Tahır Mýrdalovty soqqyǵa jyqqan. Mýrdalov óz erkimen jumystan ketýden bas tartqan.
