"كاۆكازسكيي ۋزەل" ينتەرنەت باسىلىمىنىڭ باس رەداكتورى گريگوريي شۆەدوۆ رەسەي تەرگەۋ كوميتەتىنە شەشەنستان پارلامەنتىنىڭ باسشىسى ماگومەد داۋدوۆتىڭ ۇستىنە ارىز ءتۇسىردى. بۇل تۋرالى ربك حابارلادى.
4 قاڭتاردا داۋدوۆ ينستاگرام ارقىلى شۆەدوۆتى قورقىتقان. جۋرناليست سپيكەردىڭ سوزدەرىن كاسىبي قىزمەتىنە كەدەرگى كەلتىرۋ دەپ قابىلداعان. "كاۆكازسكيي ۋزەل" باسىلىمى ايماقتاعى، سونىڭ ىشىندە شەشەنستانداعى ادام قۇقىعىنىڭ بۇزىلۋى تۋرالى حابارلايدى.
كوپشىلىككە لورد رەتىندە تانىمال ماگومەد داۋدوۆ - شەشەن باسشىسى رامزان قادىروۆتىڭ جاقىن دوستارىنىڭ ءبىرى. ءبىرقاتار رەسەيلىك ب ا ق ونى رەسپۋبليكاداعى ەكىنشى ىقپالدى ادام دەپ سانايدى.
وتكەن جىلى قازاندا، "كاۆكاز.رەاليي" باسىلىمىنىڭ حابارلاۋىنشا، داۋدوۆ شەشەنستان جوعارعى سوتى ءتوراعاسىنىڭ قىزمەتىن اتقاۋشى تاحير مۋردالوۆتى سوققىعا جىققان. مۋردالوۆ ءوز ەركىمەن جۇمىستان كەتۋدەن باس تارتقان.
