Dimashtyń taiaý bolashaqtaǵy jospary qandai?
Iá, onyń sebebin QR Mádeniet jáne sport vitse-ministri Aqtoty Raiymqulova Sputnik agenttigine bergen suqbatynda egjei-tegjeili aityp berdi
– Dimash qatysqan joba boiynsha onyń óz moinyna alǵan belgili bir mindettemeleri bar.
Baiqaýdyń árbir qatysýshysy kelisimshartqa qol qoiǵan bolatyn. Mine, osy kelisimsharttyń merzimi áli aiaqtalǵan joq. Qazir Dimashtyń qytaida túrli sharalarǵa qatysyp júrgenin kórip júrsizder. Munyń barlyǵy baiqaýdyń erejesine sai nárseler.
Keshe Beijińniń ortalyq kontsert zaldarynyń birinde ótken kontsertke Aiman Musahodjaeva, óner ýniversitetiniń ulttyq folklor ansambli, kameralyq orkestr qatysty. Osy kontsertte Dimash ta óner kórsetti. 22-sáýirde ol taǵy bir mańyzdy sharaǵa qatysady, sosyn bir úziliste elge oralady. Onyń jeńisine arnap úlken shara ótkizemiz.
Sondai-aq vitse-ministr Dimashtyń Evrovidenie baiqaýyna qatysa almaityndyǵyn, onyń sebebi de Qytaiǵa bailanysty ekenin aitty.
– Dimash Qudaibergen Kann festivali aiasynda Qazaqstannyń pavilonyn tanystyrý rásimine qatysady. Ony Frantsiiaǵa shaqyrdy. Sonymen birge, Dimashty Amerikaǵa oqýǵa jibermekpiz. Baiqaý kezinde ol Frantsiiaǵa baryp qaitty. Onda belgili bir semkalar ótip, kelissózder júrgizildi.
Jalpy, búginde kóp jerden usynys kelip túsip jatyr eken. Yntymaqtastyq týraly, oqý, taǵylymdamadan ótý, konkýrstarǵa, sharalarǵa qatysý boiynsha usynystar bar.
27-maýsymda Astanada Dimashtyń úlken kontserti ótedi. Búginde birneshe belgili sheteldik ánshi kontsertte óner kórsetetinin rastady. Qazir qyzý daiyndyq júrip jatyr. Qytaidan ánshiler qatysady dep kútip otyrmyz. Ázirge, jýyq aradaǵy jospar osyndai.
Budan bólek, “Evrovideniege” qatysty kóp áńgime aitylyp júr. Jalpy, biz bul baiqaýǵa qatysý úshin 3 jyldan beri ótinish berip kelemiz. Ókinishke qarai, bul baiqaýǵa Eýropa eli retinde qatysa almaimyz. Olar bizdiń ótinishti belgili bir quqyqtyq shekteýi bar qatysýshy retinde qarastyra alady.
Biz Dimashtyń qonaq retinde qatysýyn usyndyq. Biraq ýaqyt tyǵyz bolyp qaldy, óitkeni “Evrovidenie” mamyr aiynda ótedi. Al Dimashtyń ázirge qytailyq arnanyń aldyndaǵy mindettemeleri bar.
Biyl bolmasa, kelesi jyly bizdiń ótinishimizdi qarastyrady degen oidamyz. Olardyń qonaq retinde bolsa da Dimashtyń qatysýyna qyzyǵýshylyǵy bar. Ózderińiz bilesizder, áleýmettik jelide kóp jazylyp jatyr. Eger Lara Fabian sekildi áigili ánshi ózi quttyqtap jatsa, basqa da adamdar estidi dep oilaimyz.
