Nursultan Nazarbaev Qazaqstan musylmandary dinı basqarmasy ókilderimen kezdesý kezinde qysqa balaq pen uzyn saqaldyń bizdiń dástúrge saı kelmeıtinin aıtty. Elbasy mundaıǵa zań júzinde tyıym salýdy usyndy, – dep habarlaıdy Tengrinews.kz Aqordanyń baspasóz qyzmetine silteme jasap.

Qazaqstan prezıdenti jastardyń dinı saýatynyń tómen bolyp otyrǵanyna nazar saldy.

– Biliminiń azdyǵynan jastarymyz balaǵyn kesip, saqal qoıyp jatyr. Tolyqtaı tumshalanyp alatyn qazaq qyzdarynyń qatary kóbeıip barady. Bul bizdiń dástúrge saı kelmeıdi. Buǵan zańnamalyq turǵyda tyıym salý máselesin qarastyrý kerek. Qazaqtar qaıǵyly jaǵdaıda ǵana qara jamylǵan, – deıdi Elbasy.

Qazaqstan prezıdenti qazaq mádenıeti men dástúrinde qazaq áıelderi qalaı kıingeni týraly sóz etip, qara kıim men din arasynda baılanys joǵyn aıtty.