Retrofestival ulttyq reńk qajet
Dariǵa Nazarbaevanyń ónerde júrip tyndyrǵan mańyzdy sharýasy retinde jyl saiyn ótip turatyn «Almaty – meniń alǵashqy mahabbatym» retrofestivalin ataýǵa bolady.
Bir áttegen-aiy atalmysh án baiqaýynda orys pen sheteldiń ánderiniń desi basym túsip jatady. Aldaǵy ýaqytta Dariǵa Nursultanqyzy osy baiqaýǵa ulttyq reńk berse oryndy bolar edi. Sonymen qatar shetelden án shaqyrtýǵa shekteý salýdyń da máni zor. Óitkeni, atalmysh án baiqaýy men Dariǵanyń esimi udaiy qatar atalady. Osy bir bolmashy dúnieler bolashaqta Dariǵanyń saiasi karerasyn kóleńke túsirýi múmkin.
Eger bizdiń aitqan usynystarymyz nazarǵa alynsa, vitse-premer burynǵydan beter halyqtyń súiispenshiligine bóleneri haq. Baiqaýdy durys baǵytqa baǵyttaityn bolsa, Dariǵa hanymnyń ataq-abyroiyn asyrýǵa septigin tigizetini sózsiz.
Aqparat salasynyń biligiri
Memleket basshysynyń qyzy aqparat maidanynda júrip Qazaqstandaǵy saiasi pliýralizmniń ornaýyna da bir kisidei úles qosqanyn aitýǵa tiispiz.
Dariǵanyń úlken saiasattaǵy eki jobasy
Keiinnen elimizdegi saiasi partiialardyń basym bóligi Nursultan Nazarbaevtyń júrgizip otyrǵan saiasatyn qoldaǵandyqtan, olardyń bári qazirgi «Nur Otan» partiiasynyń qanatynyń astyna ótti. Sol kezde Dariǵa Nursultanqyzy quba jolda bura tartpai, óziniń elimizdegi saiasi aýyzbirlikti jaqtaýshylardyń biri ekenin naqty ispen dáleldep, saiasi partiialardyń birigýin quptady.
Osy bir kezeńde keibireýler Memleket basshysynyń qyzy óziniń saiasi ambitsiiasyn qoǵamdyq-saiasi ortaǵa ashyp kórsetetin kez keldi dep joramal jasaǵan edi. Biraq jaǵdai olardyń kútkenindei bolǵan joq. Qaita ol eldegi saiasi qyzýdy basyp, qazaq qoǵamynda saiasi turaqtylyqtyń asa qajet ekenin túsinip, mańyzdy sheshim qabyldady.
Is-sharanyń halyqaralyq saiasattaǵy bedelin arttyrýǵa Memleket basshysy Nursultan Nazarbaevtyń ózi kelip qatysýy da onyń abyroiyn asyra tústi. Árine, «Eýraziialyq media forým» barysynda naqty saiasi sheshimder qabyldanbasa da, halyqaralyq saiasatta talqylanbai qordalanyp qalǵan mańyzdy máseleler jýrnalister men belgili saiasatkerlerdiń keńinen talqylap, ózekti máselelerdiń kóbesi sókkenine kýá boldyq. Osylaisha forým jýrnalister, sarapshylar jáne saiasatkerlerdiń qatysýymen ótetin Eýraziia keńistigindegi mańyzdy basqosýǵa ainalǵany belgili.
Media forýmnyń minbesinde Taiaý Shyǵys, Iraktaǵy saiasi jaǵdailar jáne Aýǵanstandaǵy qaýipsizdik máselesi keńinen sóz bolǵany esimizde. Osy is-sharadan keiin Qazaqstan EYQU-ǵa tóraǵalyq qyzmetin sátti atqaryp, birqatar halyqaralyq uiymdardyń jiyndaryn Astana tórinde ótkizýge múmkindik aldy.
Májilistegi kezeń
Ardaǵy biraz úzilisten keiin Dariǵa Nazarbaeva óziniń saiasi mansabyn Májiliste jalǵastyrdy. Ol Májilis Tóraǵasynyń orynbasary qyzmetine deiin kóterildi.
Ótken shaqyrylymda zań shyǵarýshy organda óktemsigen Úkimet múshelerin tezge salyp, ornyna qoiatyn depýtattar óte az edi. Óz kezeginde Dariǵa Nursultanqyzy Májilistegi jiyndardyń shiraq ótýine birshama úles qosqanyn bilemiz.
Ol Májilis minbesin ónimdi paidalanyp, halyqtyń kókeiinde júrgen ózekti máselelerdi Úkimet múshelerine tótesinen qoiý ildi. Dariǵa Nazarbaeva depýtattyq mandatqa ie bolǵaly beri áleýmettik-ekonomikalyq máni zor talai máselelerdi kóterdi.
Aitalyq, «Jumyspen qamtý – 2020» baǵdarlamasy boiynsha memlekettiń qyrýar qarjysy tekke shashylýyna tosqaýyl qoidy. Kezinde Densaýlyq saqtaý ministrli bolǵan Salidat Qaiyrbekova Májilis depýtaty tarapynan synǵa ushyrap jylarman kúige túskeni de esimizde.
Budan basqa Dariǵa Nursultanqyzy reformadan kóz ashpaǵan bilim salasyn da synǵa alyp, seresip turǵan seńge qozǵaý saldy. Belsendi depýtat Májilis minbesinen halyqtyń aryz-armanyn aitýdai-aq aitty.
Búginde ol ózi kótergen áleýmettik máselelerdi tolyq sheshetin múmkindikke ie bolyp otyr. Onyń kez kelgen áleýmettik máseleniń kóterip, onyń oń baǵytta sheshýge yqpal etetin áleýeti tolyq jetedi. Sondyqtan Dariǵaǵa halyqtyń artyp otyrǵan senimi zor.
Nurlan JUMAHAN
