Baıqaısyzdar ma, kesheli beri Pýtın, Shoıgý, Lavrov, Bordúja jan-jaqqa telefon soǵyp bul soǵysty toqtatýǵa árekettenýde. Árıne, Máskeý úshin bul soǵys qazir múldem qajeti joq. Munaıdyń baǵasy tómendep, Ýkraına men Sırıadaǵy qarýly qaqtyǵystyń qyzýy basylmaı turǵanda endi Ázirbaıjan men Armenıanyń arasyndaǵy dúrdarazdyqtyń qosylýy orystardy qatty sastyrǵany anyq.
Qazirgi tańda Ázirbaıjan aradaǵy baılanystyń salqyndatýdyń qajeti joq. Ázirbaıjan – Eýropa men Reseıge qosymsha gaz berýshi memleket. Al Ýkraına men Ortalyq Azıa elderi úshin Ázirbaıjan – álternatıvtik kólik-logıstıka joly. Ázirbaıjan Kaspıı jaǵalaýyndaǵy elder úshin naǵyz «bótelkeniń probkasy» bolyp tur.
Oılańyzshy, Reseıdiń qaı aımaqtary Ázirbaıjanmen sheqtesedi? Sheshenstan men Daǵystan. Búginde Qapqaz elderine Reseıdiń dotasıa retinde beretin aqshasy taýysylýǵa jaqyn. Sondyqtan resmı Máskeý Bakýmen máseleni ýshyqtyrmaı sheshýge múddeli. Eger jaǵdaı ushyqsa tutas Qapqazdaǵy jaǵdaıǵa keri áser etetini sózsiz.
Kúni keshe bul másele boıynsha I.Álıev pen T.Erdoǵan bul másele Vashıngtonda Obamamen jolyqty Al V.Pýtın samıtke qatysqan joq.
Túrkıa prezıdenti Reseı ushaǵyn atyp túsirgennen keıin bir aıdyń ishinde aınalasyndaǵy kórshilerin túgel aralyp, qaýiptiń aldyn alǵany esimizde. Erdoǵan Baký, Ashhabad, Kıev, Tashkent, Almatyǵa kelip, máseleni tereń talqylap, sońynan batyl málimdemeler jasaǵanyna bilemiz.
Osy jaıttardyń bárin eske alyp, mynadaı qorytynǵa kelip otyrmyn. Bul qaqtyǵys kezdeısoq emes, arnaıy josparlanǵan. Qapqaz úlken saıası ózgeresterdiń aldynda tur. Bul ózgerister Reseıdiń oń jambasyna kelmeýi múmkin.
Muhtar TAIJAN
(maqala sarapshynyń Feısbýktaǵy paraqshasynan alyndy)
