Energetika, óndiris, saýda, sandyq tehnologiia, meditsina, týrizm jáne basqa da salalardyń maitalmandary bas qosqan iskerlik júzdesýde Darhan Satybaldy Túrkistan oblysynyń ekonomikalyq jáne investitsiialyq múmkindikterin tanystyrdy. Jańa óndiris oryndaryn ashýda áriptestik ornatýǵa shaqyrdy.
– Túrkistan oblysynda investitsiialyq jobalardy iske asyrý boiynsha máselelerdi talqylaý úshin sizdermen kezdeskenime qýanyshtymyn. Ózderińiz biletindei, Qytai Halyq Respýblikasy Qazaqstan Respýblikasynyń saýda-ekonomikalyq salasyndaǵy mańyzdy áriptesteriniń biri bolyp tabylady. Memleketter arasyndaǵy áriptestik qarym-qatynastyń berik negizi men uzaq merzimdi perspektivasy bar.
Qazaqstan úshin sizderdiń elderińiz álemdegi eń iri ekonomikanyń qaqpasy bolsa, al Qytai úshin bizdiń elimiz EAEO jáne Ońtústik-Shyǵys Aziia, Kavkaz jáne Eýropa naryqtaryna jyldam logistikalyq baǵyttar ashady.
Kóp jyldyq tájiribelerińizdi eskere otyryp, biz sizdermen Túrkistan qalasynda jeńil avtomobilderdi qurastyrý óndirisin uiymdastyrý jónindegi jobany iske asyrý múmkindigin talqylaǵymyz keledi. Aýyl sharýashylyǵy, týrizm jáne ózge de salalar boiynsha tiimdi jobalardy talqylaýǵa daiynbyz, – dedi D.Satybaldy.
Kezdesý barysynda túrli salalar boiynsha áriptestik ornatý máseleleri jan-jaqty saralandy. Qos tarap ekonomikalyq bailanysty nyǵaityp, áriptestikti tereńdete túsý, Túrkistan oblysynyń óndiristik áleýetin kóterý jóninde pikir almasty.
Beijiń – Qytai Halyq Respýblikasynyń astanasy. Qalada 22 million halyq turady. Sońǵy ýaqytta Beijiń innovatsiialyq kásipkerlik pen tabysty venchýrlyq biznestiń ortalyǵy retinde tanymal bola bastady. Shaharda álemdegi eń iri kompaniialar ornalasqan, Sonymen qatar, Beijiń melamin jáne melamin qosylystaryn óndirýde, jeńil avtokólikter shyǵarýda da álemdik kóshbasshylar qatarynda.
Túrkistan – Qazaqstandaǵy maqta ósiriletin jalǵyz jáne jylyjai sharýashylyqtary eń kóp ornalasqan oblys. Respýblikadaǵy jylyjailardyń 70 paiyzdaiy osy óńirde ornalasqan. Oblysta jylyna 300 myń tonnadan astam maqta óndirilse, 22 maqta óńdeý zaýyty, óndiriste 25 myń sharýa jumys isteidi. Túrkistan oblysynda maqtany tereń óńdeýdi qarqyndy engizý qolǵa alynbaq. Óńir basshysy oblys aýmaǵynda toqyma tsehtaryn ashý múmkindikterin de tanystyrdy.
5 jyl ishinde maqta óńdeý zaýytyn, logistikalyq habty, trikotaj óndirisin, boiaý jáne árleý jáne tigin fabrikalaryn salýdy qamtityn maqta-toqyma keshenin qurý máselesi týraly da atap ótti. Osy jáne ózge saladarda áriptestik ornatýǵa shaqyrdy. Óńirde óńdeý ónerkásibi salasynda iirilgen jipter, matalar men kilemder óndirisimen toqyma klasterin damytý, plastikalyq buiymdar, avtomobil jasaý, elektronika, tsifrlyq tehnologiialar jáne taǵy basqa salalardaǵy óndiristi damytý kózdelgen. Agroónerkásiptik keshen salasynda oblys aýyl sharýashylyǵy ónimderin óndirý boiynsha respýblikada aldyńǵy qatarda. Týrizmdi damytý da oblys ekonomikasynyń basym baǵyttarynyń biri. Sonymen birge balamaly qýat kózderin damytý da nazarda.
2018 jyldan bastap Túrkistan oblysynda 3 mln. 435 myń sharshy metr turǵyn úi paidalanýǵa berildi. Qurylys jumystarynyń kólemi 31 479,3 mln. teńgeni nemese 2022 jylǵy qańtar-naýryzǵa 117,9% qurady.
Beidińdegi jiynda Túrkistan oblysy ókilderi men Qytai kásipkerleri arasynda B2B formatynda kelissózder júrgizildi. Túrkistandyq delegatsiia "China Energy Engineering Group Co. Ltd" kompaniiasynyń óndiris ornynda bolyp, jumysymen tanysty.
