Biyl bul baǵdarlama aiasynda elimiz boiynsha 5,8 myń jas 5 mln teńge somasynda shaǵyn nesie ala alady.
Al Túrkistan oblysy boiynsha 594 jasqa jeńildetilgen shaǵyn nesie berý maqsatynda 2,9 mlrd teńge qarjy qarastyrylǵan.
Osy múmkindikti utymdy paidalaný maqsatynda Túrkistan oblysynda jergilikti jerlerdegi NEET sanatyndaǵy jastar men oqý oryndarynda aqparattyq-túsindirme jumystary belsendi júrgizilip jatyr.
Júieli jumystar men tiianaqty aqparattyq túsindirme jumystarynyń nátijesinde óz kásibin bastaýǵa niettiler qatary artyp keledi.
Tarqata aitsaq, búginde oblys boiynsha jalpy 204 jas baǵdarlamaǵa qatysýǵa qyzyǵýshylyq tanytqan. Onyń ishinde Túrkistan qalasy – 7, Arys qalasy – 9, Kentaý qalasy – 3, Báidibek aýdany – 6, Jetisai aýdany – 2, Qazyǵurt aýdany – 46, Maqtaaral aýdany – 3, Otyrar aýdany – 15, Ordabasy aýdany – 24, Sairam aýdany – 15, Saryaǵash aýdany – 26, Saýran aýdany – 9, Tólebi aýdany – 14, Túlkibas aýdany – 14, Shardara aýdany boiynsha - 11 úmitkerden ótinim kelip túsken. Ótinim bergenderdiń deni mal baǵý maqsatyn kózdep otyr.
Jýyrda 2,5 paiyzdyq nesieni alýǵa niet bildirgen talapkerlerdiń biznes-josparymen tanysý maqsatynda komissiia otyrysy ótkizildi. Oǵan óńir boiynsha 25 joba usynylyp, onyń 23-i komissiia qaraýynan ótken.
Erekshe atap óterligi, búgingi kúnge deiin Túrkistan oblysy boiynsha barlyq aýdan, qala, aýyldar men eldimekenderde «Jastar resýrstyq ortalyǵy» KMM-niń mamandary arnaiy nasihattyq top quryp, jastarǵa memlekettik baǵdarlamalar boiynsha túsindirme jumystaryn jalǵastyryp jatyr.
Osy jumystar aiasynda búginge deiin óńirdegi 38 qala, 229 aýyl, 214 aýyldyq okrýg, 301 eldimeken, 22 kent, 32 bazar jáne saýda oryndary, 12 kásipkerlik oryn qamtyldy. Nátijesinde ortalyq mamandary tarapynan oblys boiynsha 18 myńnan astam NEET sanatyndaǵy jastarǵa jeke turǵyn úi mekenjailary boiynsha keńester berildi. Sondai-aq memlekettik baǵdarlamanyń tiimdiligin túsindirý baǵytynda Jastar ortalyǵynyń paraqshalarynda 775 post jariialandy.
Eske sala ketsek, 2,5 paiyzdyq jeńildetilgen nesie mal sharýashylyǵy salasyndaǵy jobalar úshin – 7 jylǵa deiin, basqa baǵyttar úshin – 5 jylǵa deiin, kóktemgi egis jáne kúzgi jiyn-terin jumystary úshin – 3 jylǵa deiin beriledi.
Nesie alýshylardyń jasy 21-den 35-ke deiin jáne jeke kásipker retinde tirkelýi tiis. Úmitkerdiń jasy qujat tapsyrý sátinde eskeriledi. Mikrokredit alýshylar úshin negizgi borysh pen syiaqyny óteý boiynsha jeńildikti kezeń beriledi. Ol mikrokredit merzimi uzaqtyǵynyń úshten birinen aspaidy. Nesie 5 jylǵa, iaǵni 60 aiǵa berilse, jeńildikti kezeń 20 aidy quraidy.
