"Jalǵan aqparatty rastaýǵa qulshynyp, otqa mai tamyzǵysy keletinder kóp" – deidi Ahmetov.
"Budan buryn Shyǵystaǵy altyn kenishterin qytailar "basyp" alyp, jabaiy jolmen igerip jatyr degen sóz shyqty. Munyń bári jalǵan jáne kópe-kórneý arandatý ekenin dáleldep berdik. Bul isti indete zerttep, anyq-qanyǵyn anyqtaýǵa birde-bir jýrnalist atsalyspady", – deidi oblys ákimi.
Ahmetovtyń aitýynsha qytai investitsiiasynyń paidasy shamaly ekenin sóz etetin jýrnalistter qaýymy máseleniń birjaqty baǵalaidy.
"Aitalyq, biz qytai investorlarynan 2,1 mlrd jeńildetilgen nesie alyp sonyń nátijesinde Aqtoǵaidy kórkeittik.
Investitsiia bizge úlken múmkindik berdi. Jańa tehnologiialar satyp aldyq. Qytaidan investitsiia tartqanymyz qytai jumysshysyn elge shaqyrǵanymyz emes.
Shyǵysta birde-bir qytai jumysshysy joq.
Qytai máselesine qatysty daý shyǵarǵandardyń birde-bireýi bul týraly aitýǵa jaramady. Nege? Memleket múddesin qorǵap, syrtqy saiasatqa alańdar bolsa, aqiqatty nege aitpaidy?", – deidi Danial Ahmetov.
Ákimniń pikirinshe Qytai máselesin qozdyrýǵa kelgender ótirikti shyndai jazatyn arandatýshylardan aýlaq júrgen jón.
