Shyǵys Qazaqstan tek Alakólmen ǵana tanymal emes. Aimaqtaǵy Glýbokoe aýdanynda shańǵy tebýge arnalǵan eki birdei kýrort bar. Onyń biri – Nurtaý (Bobrovka aýyly), al ekinshisi – Altai Alpisi (Taýly Úlbi aýyly).
Glýbokoe aýdanynyń ákimi Qalihan Baiǵonusovtyń aitýynsha biylǵy jyldyń 10 aiynda týrizmdi damytý úshin aýdanǵa 480 mln. teńge qarjy bólingen. Bul ótken jylǵymen salystyrǵanda 3 ese kóp.
"Osynaý qarajatty "Nurtaý" kýrort aimaǵyn kóriktendirý maqsatynda (týristerge arnalǵan 5 baspanaǵa kommýnikatsiia men káriz júiesin tartyp, jol jóndeý úshin) "BIPEK AVTO – QAZAQSTAN" kompaniiasy berdi, – dedi aýdan ákimi.
Aita ketsek "Nurtaý" jáne "Altai Alpisinde" shańǵy sportyna qyzyǵatyn týristerge arnalǵan jol, budan bólek eki ilmek kótergish, shana (stiýb) joldary jáne bar. Qysqy demalysqa arnalǵa jabdyqtardy jalǵa alýǵa bolady.
"Altai Alpisinde" jeke 4 arqanjol (kanatnaia doroga) bar. Budan bólek shańǵy tebýdi jańadan úirengen týristerge arnalǵan 600 metrlik bólek tóbe bar.
– Biylǵy jyly kýrortta taǵy eki arqanjoldyń qurylysy bastaldy. Buǵan 150 mln teńge bólindi, – dedi aýdan ákimi.
