شىعىس قازاقستان تەك الاكولمەن عانا تانىمال ەمەس. ايماقتاعى گلۋبوكوە اۋدانىندا شاڭعى تەبۋگە ارنالعان ەكى بىردەي كۋرورت بار. ونىڭ ءبىرى – نۇرتاۋ (بوبروۆكا اۋىلى)، ال ەكىنشىسى – التاي ءالپىسى (تاۋلى ءۇلبى اۋىلى).
گلۋبوكوە اۋدانىنىڭ اكىمى قاليحان بايعونۇسوۆتىڭ ايتۋىنشا بيىلعى جىلدىڭ 10 ايىندا ءتۋريزمدى دامىتۋ ءۇشىن اۋدانعا 480 ملن. تەڭگە قارجى بولىنگەن. بۇل وتكەن جىلعىمەن سالىستىرعاندا 3 ەسە كوپ.
"وسىناۋ قاراجاتتى "نۇرتاۋ" كۋرورت ايماعىن كورىكتەندىرۋ ماقساتىندا (تۋريستەرگە ارنالعان 5 باسپاناعا كوممۋنيكاسيا مەن كارىز جۇيەسىن تارتىپ، جول جوندەۋ ءۇشىن) "بيپەك اۆتو – قازاقستان" كومپانياسى بەردى، – دەدى اۋدان اكىمى.
ايتا كەتسەك "نۇرتاۋ" جانە "التاي الپىسىندە" شاڭعى سپورتىنا قىزىعاتىن تۋريستەرگە ارنالعان جول، بۇدان بولەك ەكى ىلمەك كوتەرگىش، شانا (ستيۋب) جولدارى جانە بار. قىسقى دەمالىسقا ارنالعا جابدىقتاردى جالعا الۋعا بولادى.
"التاي الپىسىندە" جەكە 4 ارقانجول (كاناتنايا دوروگا) بار. بۇدان بولەك شاڭعى تەبۋدى جاڭادان ۇيرەنگەن تۋريستەرگە ارنالعان 600 مەترلىك بولەك توبە بار.
– بيىلعى جىلى كۋرورتتا تاعى ەكى ارقانجولدىڭ قۇرىلىسى باستالدى. بۇعان 150 ملن تەڭگە ءبولىندى، – دەدى اۋدان اكىمى.
