Shyǵys Qazaqstan oblysy ákiminiń orynbasary - "Shyǵys-adaldyq alańy" jobasynyń kýratory Almashan Smatlaev baspasóz máslıhatynda birneshe máselege toqtalyp ótti.
"Shyǵys – Adaldyq alany" jobasynyń maqsaty - sybaılas jemqorlyqqa qarsy qoǵamdyq baqylaýdy júzege asyrý, sybaılas jemqorlyqqa qarsy mádenıetti qalyptastyrý, turmystyq sybaılas jemqorlyq deńgeıin tómendetý, memlekettik qyzmetterdi alý kezinde azamattar úshin qolaıly jaǵdaı jasaý.
2018 jyldyń jeltoqsan aıynda aımaq basshysy Danıal Ahmetov pen Memlekettik qyzmet isteri agenttiginiń tóraǵasy Alık Shpekbaev "Shyǵys-adaldyq alańy" jobasynyń jarǵysyna qol qoıǵan bolatyn.
Jobany iske asyrý nátıjesinde Shyǵys Qazaqstan oblysy boıynsha 2019 jyldyń 10 aıynda 52 open space jáne keńseler ashyldy, 58 mektep dırektory kóshirildi, 12 memlekettik organ basshysy birinshi qabatqa kóshirildi, 80 «adaldyq dúkeni» ashyldy.
Oblys ákiminiń qoǵamdyq qabyldaýy, telefon qońyraýlary, áleýmettik jeliler, sondaı-aq jobalaý keńsesi alańynda azamattardy qabyldaý arqyly 154 adam ótinish bildirdi, onyń ishinde 122 adamnyń máselesi sheshilip, 32 ótinish boıynsha jumystar atqarylýda.
