"شىعىس – ادالدىق الانى" جوباسىنىڭ ماقساتى - سىبايلاس جەمقورلىققا قارسى قوعامدىق باقىلاۋدى جۇزەگە اسىرۋ، سىبايلاس جەمقورلىققا قارسى مادەنيەتتى قالىپتاستىرۋ، تۇرمىستىق سىبايلاس جەمقورلىق دەڭگەيىن تومەندەتۋ، مەملەكەتتىك قىزمەتتەردى الۋ كەزىندە ازاماتتار ءۇشىن قولايلى جاعداي جاساۋ.

2018 جىلدىڭ جەلتوقسان ايىندا ايماق باسشىسى دانيال احمەتوۆ پەن مەملەكەتتىك قىزمەت ىستەرى اگەنتتىگىنىڭ ءتوراعاسى اليك شپەكبايەۆ "شىعىس-ادالدىق الاڭى" جوباسىنىڭ جارعىسىنا قول قويعان بولاتىن.

جوبانى ىسكە اسىرۋ ناتيجەسىندە شىعىس قازاقستان وبلىسى بويىنشا 2019 جىلدىڭ 10 ايىندا 52 open space جانە كەڭسەلەر اشىلدى، 58 مەكتەپ ديرەكتورى كوشىرىلدى، 12 مەملەكەتتىك ورگان باسشىسى ءبىرىنشى قاباتقا كوشىرىلدى، 80 «ادالدىق دۇكەنى» اشىلدى.

وبلىس اكىمىنىڭ قوعامدىق قابىلداۋى، تەلەفون قوڭىراۋلارى، الەۋمەتتىك جەلىلەر، سونداي-اق جوبالاۋ كەڭسەسى الاڭىندا ازاماتتاردى قابىلداۋ ارقىلى 154 ادام ءوتىنىش ءبىلدىردى، ونىڭ ىشىندە 122 ادامنىڭ ماسەلەسى شەشىلىپ، 32 ءوتىنىش بويىنشا جۇمىستار اتقارىلۋدا.