Sharanyń shymyldyǵyn túrgen saiasattanýshy Edýard Poletaevtyń aitýynsha ázirgi kúni odaq aiasyndaǵy barlyq elder tsifrlyq salasy damytýǵa kúsh salýda. Kúni keshe Astanada ótken ekonomikalyq forýmda bul máselege barynsha kóńil bólindi
«Men bilsem reseidiń «Tsifrlik ekonomika» baǵdarlamasy 2024 jylǵa deiin sozylady jáne de kiberqaýipsizdik, bilim sapasy, maman biliktiligi, IT baǵdarlamalar baǵytyndaǵy zertteýler» taqyrybyn qamtidy», – deidi Poletaev.
Onyń atap ótkenindei kópshilik tsifrlandyrýdyń saldarynan dástúrli kásipter joǵalyp kete me dep qaýiptenedi eken.
«Iá, bul zaman talaby. Tehnologiia damyǵan saiyn nátijesi tómen birqatar dástúrli mamandyqtar joiylyp ketýi múmkin», – deidi bul rette «Ekspert-Sibir» kompaniiasynyń bas direktory Vitalii Býkatin.
Onyń aitýynsha tsifrlyq ekonomika 2000-shy jyldardyń basynan bastalyp ketken. Alaida bul baǵyttyń táýekelderi de kóp kórinedi.
«Aitalyq tsifrlik ekonomika dástúrli bilik pen iri biznestiń túbine jetedi degen pikir bar. Menińshe qazirgi tańda odaq aiasyndaǵy elder negizinen shekaralyq aimaqtardaǵy áriptestik máselesine kóbirek kóńil bólý kerek. Aitalyq, Omby, Jańasibir óńirlerin Qazaqstannyń soltústik óńirlerimen aradaǵy áriptestigin nyǵaitqanymyz mańyzdy. Bul óz kezeginde shaǵyn jáne orta biznesti damytýǵa jol ashady», – deidi Býkatin.
Al professor, «Ailain tehnologii» kompaniianyń teń tóraǵasy Dmitrii Sviridenkonyń pikirinshe tsifrlyq ekonomikanyń ne ekenin túsinbeitinder áli de kóp. Aitalyq, kompiýter mamandary muny blokchein, kriptografiia jáne jasandy intellekt dep túsinedi.
«Biraq, bul barlyq adamǵa qoljetimdi emes.Shyny kerek tsifrlandyrýdyń máni men mazmunyn bizdiń bilik te túsinbei otyr» deidi.
Onyń aitýynsha, tsifrlandyrý isine kelgende Qazaqstan men Resei birlese qimyldaýy qajet. Eger eki el ózderiniń bul taraptaǵy tehnologiialaryn biriktire alsa, jaqsy jetistikke jetedi.
Shara aiasynda otyrysqa kelgen ózge de mamandar bul taraptaǵy ózderiniń oi-pikirlerin ortaǵa saldy.
Aitalyq, PR keńesshi, Qazaqstan kommýnikativtik qaýymdastyǵynyń ókili Vladimir Pavlenkonyń pikirinshe, elimizde tsifrlandyrýdy indýstriialandyrý dep qabyldaityn da bar.
