Baǵa biyl ótken jylmen salystyrǵanda 100 myń teńgege qymbat. Óńirde 18 maqta óńdeý zaýyttarynyń 206 maqta qabyldaý beketteri jumys isteidi. Biylǵy jyly 110 myń gektar alqapqa maqta daqyly egilgen. Jospar boiynsha 250 myń tonna shitti maqta jinalýy kerek.
Maqtaaral, Jetisai aýdandaryna jasaǵan jumys saparynda aýyl sharýashylyǵy salasyndaǵy atqarylyp jatqan jumystarmen tanysqan Túrkistan oblysynyń ákimi Ómirzaq Shókeev sharýalarmen kezdesti. Jańartylǵan tehnikamen tanysyp, diqandarǵa kómektesti. Jastyq shaǵyn eske túsirip, maqta terdi.
Biylǵy qýańshylyqqa qaramastan maqtaly aýdandardyń sharýalary aǵyn sýdy artyǵymen aldy. Tyńaitqysh pen tuqymdyq shitten tarshylyq kórmei, jeńildetilgen baǵadaǵy janar-jaǵarmai da jetkilikti bolǵan.
– Osynyń barlyǵy Elbasynyń qoldaýymen, Memleket basshysynyń tapsyrmasymen júzege asyrylyp jatqan sharalar. Kórshi Ózbekstan elimen kelisimge kelip, aǵyn sýdy arttyrýdyń sáti tústi. Sonyń arqasynda aǵyn sýdan tarshylyq kórmedik. Memleket qoldaýymen selitra men dizel de jetkilikti boldy. Osyndai halyqqa qyzmet etip jatqan el aǵalarynyń jumystary júre bersin. Eldiń rahmetin alyp jatyr, halyq rizamyz. Diqandardyń barlyǵy qýanyshty, tabystary jaqsy, budan jigirlenip, keler jyly jumys isteimiz dep oilaimyz, – dedi sharýa qojalyǵynyń iesi Murat Qurbanov.
Sharýalar ár gektardan orta eseppen 30 tsentnerden ónip alyp, 500 myń teńgege deiin paida tabady. Egis alqabynda oblystyq aýyl sharýashylyǵy basqarmasynyń basshysy Nurbek Badyraqov óńirdiń saladaǵy jetistikterimen bólisti.
– Osyndai ónim alyp, taýar óndirýshilerdiń áleýmettik ekonomikalyq jaǵdaiyn arttyrýǵa bul Memleket basshylarynyń ekijaqty yntymaqtastyq týraly kelisiminiń arqasynda. Óitkeni, bul eki aýdan da transshekaralyq «Dostyq» kanaly arqyly sý ishedi. Bul Ózbekstan Respýblikasy arqyly keledi. Jaqsy jumystar nátijesinde biylǵy qýanshylyqqa qaramastan Maqtaaral men Jetisai aýdandary tiisti deńgeide aǵyn sýmen qamtamasyz etilip otyr, – dedi basqarma basshysy.
Sonymen birge, oblys ákimi aǵyn sýdy arttyrý maqsatynda qolǵa alynǵan sý arnalaryn mehanikalyq tazalaý jumystaryn tanysty. Oblystyq biýdjet esebinen Jetisai aýdanyndaǵy barlyq 241 shaqyrymdy quraityn 121 qashyrtqyǵa mehanikalyq tazalaý jumystary júrgizilýde. Bul óz kezeginde sýarmaly jerlerdiń aǵyn sýmen qamtamasyz etilýin jaqsartyp, jer asty sýyn tómendetip, egistiktiń tuzdanýynyń aldyn alyp, maqta daqylynyń ónimdiligin arttyrady.
Sonymen qatar, sharýalardy sapaly tyńaitqyshtar, tuqymmen qamtamasyz etip, ónimdilikti arttyrý maqsatynda Ózbekstan Respýblikasynyń «RASAYANA» JShS-gimen jumystar júrgizilýde. Bul kompaniia aýyl sharýashylyǵy taýar óndirýshilerine ónimdiligi joǵary «AMINOSID» tyńaitqyshtary men maqtanyń «Sultan» elitalyq tuqymdaryn jetkizýmen ainalysady. Bul tájiribe maqtanyń túsimdiligin 40 - 60 tsentnerge jetkizýge bolatyndyǵyn kórsetip otyr.
Osyǵan orai, aǵymdaǵy jyldyń 15 qyrkúieginde Maqtaaral, Jetisai aýdandarynda agroqurylymdardyń qatysýymen joǵaryda atalǵan tyńaitqyshtar men jáne maqta tuqymynyń tiimdiligi jóninde seminar ótkizilip, maqta ónimdiligin arttyrýdyń naqty sharalary qabyldandy.
Túrkistan oblysynda kúzgi jiyn – terim naýqany júrip jatyr. Qazirgi tańda, 1,1 mln tonna kókónis, 1,7 mln tonna baqsha, 290 myń tonna kartop jáne 61 myń tonna jemis-jidek jinaldy. Jyl sońyna deiin 3,5 mln tonna kókónis, baqsha, kartop ónimderi jinalady. Biyl aýyl sharýashylyǵy daqyldary 842,4 myń gektarǵa egildi.
