Túrkistandyq ardagerler Joldaýdy talqylady
Jiynǵa oblystyq ardagerler keńesiniń tóraǵasy Jeńisbek Máýlenqulov, oblys ákimi apparaty qoǵamdyq-saiasi sala monitoringi bóliminiń basshysy Samat Rasýl, oblystyq qoǵamdyq damý basqarmasy basshysynyń mindetin atqarýshy Dáýren Sariev jáne onlain rejimde ziialy qaýym ókilderi, aýdandyq, qalalyq ardagerler uiymdary men ákeler mektebiniń tóraǵalary, ájeler alqasynyń tóraiymdary, aýdan, qala ákimderiniń orynbasarlary men ishki saiasat bóliminiń basshylary qatysty.
Jiyndy ashyp, júrgizip otyrǵan oblystyq ardagerler keńesiniń tóraǵasy Jeńisbek Máýlenqulov sharanyń kún tártibin baiandap, Joldaýdaǵy mańyzdy máseleler men aiqyn erekshelikterdi atap ótti.
– Joldaý eldiń ishki jáne syrtqy jaǵdailaryna bailanysty Prezidenttiń toptasýdaǵy tiimdi sharasy. Joldaý arqyly árbir azamat eldiń damý baǵyttary men múmkindikterimen tanysa otyryp, bolashaqtaǵy jumystaryna osy qujatty negizgi baǵdarsham etedi. Bizdińshe, biylǵy Joldaýdyń burynǵylarmen salystyrmaly túrde birneshe ereksheligi bar ekenin aita ketken jón. Biz óz kezegimizde Joldaýdyń júzege asýyna úlesterimizdi qosa alatynymyzǵa bek senimdimin. Bul oraida aǵa býyn ardagerler qai kezeńde de qoǵam men memleket aldynda turǵan mindetterdi aqylmen, sabyrmen, ǵylymi naqtylyqpen atqarýǵa muryndyq bolatyn qoǵamnyń ziialy qaýymymen birlese jumystar atqarýǵa qashan da daiyn, – dedi Jeńisbek Máýlenqulov.
Sonymen qatar, jiynda jazýshy, «Alash» syilyǵynyń iegeri, oblystyq ardagerler keńesiniń pleným múshesi Marhabat Baiǵut, alqa múshesi, oblystyq ardagerler keńesi tóraǵasynyń birinshi orynbasary Ábdishúkir Saparbekov, Saryaǵash aýdandyq ardagerler keńesiniń tóraǵasy Mustapa Súleimenov, Qazyǵurt aýdandyq ájeler tóraiymy Baǵila Ismail, Shardara aýdandyq ardagerler keńesiniń tóraǵasy Toqsanbai Berdibekovter sóz alyp, Joldaý aiasyndaǵy atqarylar jumystarǵa óz usynystaryn aityp, pikirlerin ortaǵa saldy.
Jiyn sońynda Jeńisbek Máýlenqulov Prezident Joldaýyna qatysty arnaiy qaýlymen tanystyryp, alqa músheleri tarapynan biraýyzdan maquldanyp, bekitildi.
