Túrkistan oblysyna Sinopharm vaksınasynyń 105 myń doza ekinshi komponenti men 22 myń doza birinshi komponent jetkizildi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Atalǵan ekpeni barlyq emhanalar men ekpe saldyrý pýnktterinen qabaldaýǵa bolady. Jalpy óńirge COVID-19 indetine qarsy vaksınanyń 858 637 dozasy jetkizilgen. Endi oblys turǵyndary reseılik «Spýtnık V», otandyq QazVac, Sinopharm kompanıasynyń HayatVax ekpesi, Qytaıdyń jasap shyǵarǵan CoronaVac jáne Sinopharm kompanıasynyń Vero Cell vaksınasyn qabyldaı alady. Búginde İ-quramdy 832 504 adam qabyldady, al İİ-komponentpen – 645 073 adam saldyrǵan.

Sońǵy táýlikte koronavırýs ınfeksıasynyń 52 jaǵdaıy tirkeldi. Táýliktik ósim 0.38 % quraıdy. İndet bastalǵaly koronavırýstyń 13 705 jaǵdaıy anyqtaldy. Aıta keteıik, oblystaǵy mekemelerde 8 ottegi stansıasy, 400 ÓJJ apparaty, myńnan asa ottegi apparaty bar. Sondaı-aq, 2 aıǵa jetetin dári-dármek qory jasaqtalǵan, 40-tan astam dári qoımasy men 800-deı dárihana bar.