Búginde qalanyń barlyq aýdanynda aýlalar men qoǵamdyq keńistikterdi abattandyrý jumysy júrip jatyr.
Biyl 150-den astam aýla men qoǵamdyq keńistikti (saiabaqtar, gúlzarlar, jelekjoldar) abattandyrylmaqshy. Olardyń bári qala turǵyndarynyń bos ýaqytyn jaily ári densaýlyǵyna paidaly kúide ótkize alatyn tartymdy oryndardyń birine ainalady.
– Búgin birqatar aýlalar men qoǵamdyq keńistikterdiń qurylysymen tanystym. Máselen, jaqynda «Amman» jáne «Abylai han» kópirleriniń astynda jaiaý júrginshiler ótkelderi ashylady. Olar Aqbulaq ózeniniń boiyndaǵy saiabaq klasterimen jalǵasady. Avtoturaq keńistigi («Alataý» SK-ǵa qarama-qarsy) jaiaý júrginshiler aimaǵyna ainaldy, osylaisha jaiaý júrginshiler úshin yńǵaily bolar biryńǵai tujyrymdama jasaldy. Al jaǵalaý boiyna sport jáne oiyn alańdaryn ornatamyz, – dedi qala ákimi.
Ákim aldaǵy ýaqytta ortalyq jaǵalaýdyń tarihi kósheleri de (Jeltoqsan, Beibitshilik, Buqarbai batyr kósheleri) jańartylatynyn ja jetkizdi. Bul jańadan abattandyrylǵan oryndardy osyǵan deiin ashylǵan oryndarmen biriktirýge múmkindik beredi. Osylaisha serýendeýge arnalǵan úlken keńistik qurylady.
Ákimdik aldaǵy ýaqytta qalany abattandyrýmen qatar kógaldandyrý máselesine de erekshe nazar aýdarýdy josparlap otyr. Biyl bir million jasyl jelek otyrǵyzý kózdelýde.
