Búginde jinalǵan 24,5 myń tonna baqsha ónimderiniń 11,9 myń tonnasyn qarbyz, 12,5 myń tonnasyn qaýyn qurap otyr. Baqsha daqyldarynyń ónimderi aýdannyń ishki naryqtarymen qatar shet elderge de eksporttalyp jatyr.
Qyzylqum aýyldyq okrýginiń turǵyny Sháken Ilesuly da sońǵy 10 jylǵa jýyq ýaqyttan beri diqanshylyqpen ainalysyp keledi. Biyl da jyldaǵy ádetpen erte kóktemde qaýynnyń «Aeroport» sortyn egip, ónimin jinaýǵa kirisken. Endi suranysqa sáikes Resei Federatsiiasynyń Máskeý, Samara qalalaryna, Belarýs eline eksporttap jatyr.
– Biyl qaýynymyz jyldaǵydan sál keshteý pisti. Qazir suranys ta jaman emes. Oidaǵydai ónim alýda aǵyn sýdan qiynshylyqtar bolǵanymen, tapshylyq sezilmedi.
Endi mańdai terimizben óndirgen ónimderimizdi Reseige eksporttap jatyrmyz. Ol jerde baǵa jaqsy eken. Eshqandai deldalsyz ónimdi egistik basynan ózimiz kólikterge tiep berýdemiz, – deidi diqan.
Ótken jyly 15,2 myń gektar alqapqa baqsha daqyldary egilip, 417,8 myń tonna ónim alynǵan. Jetisai aýdanynda biyl 19,6 myń gektarǵa egilgen baqsha daqyldarynan 525 myń tonna ónim alý josparlanyp otyr. Qazir qaýynnan gektarynan orta eseppen 281 tsentnerden, al, qarbyzdan gektaryna orta eseppen 260 tsentnerden ónim alynýda.
